Atrium (architectura)
![](http://178.128.105.246/cars-http-upload.wikimedia.org/wikipedia/commons/thumb/c/cb/Domus_latina.png/220px-Domus_latina.png)
Atrium in architectura Romana fuit medium conclave domus, qualis in Imperio Romano late diffusa erat.
Etymologia
[recensere | fontem recensere]Notio „atrium“ forsitan a verbo ater, quod „fumo denigratum“ valet, deductum est. Hac opinione olim focus in atrio fuisse ponitur, a cuius fumo conclave atrum factum sit. Ex quo etiam liquet, quare scriptores Romani imagines maiorum commemorantes de "fumosis imaginibus" loquantur.[1]
Atrium domus Romanae
[recensere | fontem recensere]Atrium fuit conclave rectangulare media in domo situm, a quo conclavia adiacentia inita sunt. Familiae commorationi fuit; ibi imagines maiorum in armariis et supellex in cartibulis expositae sunt. Initio erat tectum sive testudinatum; a saeculo autem secundo a.C.n. Romani architecturam Graecam secuti partem tecti apertam relinquebant, per quod foramen compluvium dictum lux pluviaque intrarent; aqua in impluvio collecta in cisternam deducebatur.
Atrium in architectura post Imperium Romanum delapsum
[recensere | fontem recensere]- In basilicis Christianis atrium sicut et peristylium propatulum sive vestibulum significat.
- In aedificiis Hispanicis Renascentiae ex atrio cavaedium nomine patio profectum est.
- His diebus atrium etiam pro cavaedio vitro tecto adhibetur.
Nexus interni
Notae
[recensere | fontem recensere]- ↑ Cic. Pis. 1.; Sen. ep. 44, 5
Nexus externi
[recensere | fontem recensere]![]() |
Vicimedia Communia plura habent quae ad Atria spectant. |