Bruno Tshibala
![Bruno Tshibala: imago](http://178.128.105.246/cars-http-upload.wikimedia.org/wikipedia/commons/thumb/0/08/Bruno_Tshibala.jpg/150px-Bruno_Tshibala.jpg)
Bruno Tshibala Nzenze (Tshilenge in urbe die 20 Februarii 1956 natus) est politicus rei publicae democraticae Congensis. Alumnus est Universitatis Brazzapolitanae. Iam annis scholaribus in rebus politicis intravit, factionum socialisticarum vel Marxisticarum fautor, Stephani Tshisekedi discipulus sociusque, inter conditores iam anno 1982 unionis pro democratia et progressu sociali(fr) reputatus. Cuius factionis iam diu secretarius generalis electus, die 9 Octobris 2016 in carcerem missus est ut qui tumultus Kinshasae in urbe excitavisset. Die 29 Novembris eiusdem anni liberatus est. Anno autem insequenti, Stephano Tshikesedi mortuo, Bruno Tshibala successionem filii Felicis ad praesidium factionis deprecavit ipseque e factione expulsus est. Mox die 6 Aprilis 2017 a praeside Iosepho Kabila ad offficium primi ministri convocatus est, Samy Badibanga nuper ex eodem officio deiecto.
Bibliographia
[recensere | fontem recensere]- "RDC : Joseph Kabila nomme l’opposant Bruno Tshibala Premier ministre" in Jeune Afrique (7 Aprilis 2017)
- Tanguy Berthemet, "Kinshasa malade de ses hommes politiques" in Le Figaro (13 Aprilis 2017)
Nexus externi
[recensere | fontem recensere]- "RDC : Bruno Tshibala nommé Premier ministre" (7 Aprilis 2017) apud Radio Okapi