Aminatou Haidar
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
![](http://178.128.105.246/cars-http-upload.wikimedia.org/wikipedia/commons/thumb/2/26/Aminatu_Haidar_en_las_Jornadas_del_GUE-NGL_2010.jpg/250px-Aminatu_Haidar_en_las_Jornadas_del_GUE-NGL_2010.jpg)
Aminatou Haidar (en arabi: أمنتو حيدار), nacida en Akka, Maroko el 24 de Djulio de 1966,[1] es una aktivista pro saharaui i de los diritos umanos. Enel anyo 2009 era la protagonista del Maslat Aminatou Haidar, enel ke eya era echada de El Aaiun i diskues de esto, desho de komer por 32 diyas.
Biografiya
[trocar | trocar el manadero]Haidar nasio en Akka, Maroko, ama kresio en El Aaiun, la sivdad de la su madre, d'akodro kon a tradision beduina. Esta divorsiada i es madre de dos ijos, Hayat and Mohammed.[2]. Ambezo literatura moderna. Oy endiya, es la mas konosida aktivista por el dirito del Sahara Oksidental de ser rekonosido komo un payis independiente, la Repuvlika Araba Saharaui Demokratika, deke este territorio, yamado Sahara Espanyol no yego a ser independiente diskues de ke Espanya deshara el kontrolo d'akodro kon los Akodros de Madrid, akseptando la presion de Maroko i Mauritania para partajar el territorio entre eyos, anke tenia akodrado kon las Nasiones Unidas eskapar la kolonia i azer de eya un payis independiente. Oy ediya, el Sahara Oksidental esta basho kontrolo de fakto de Maroko, i por esto Haidar es sitizena marokana.
Aktivismo
[trocar | trocar el manadero]Por kavza de la su ideolojiya pro saharaui, era enkarselada por las otoridades marokanas un numbero de vezes. en 1987, de edad de 21 anyos, izo parte de una manifestasion trankila de 700 personas ke demandavan un referendum de independensia del Sahara Oksidental de Maroko. Diskues de este evenemento, era metida en la prizion, sin djuzgo, en una de las yamadas "priziones sekretas" por 4 anyadas. [3] En la prizion, era torturada endjunto kon otras 9 mujeres i 50 ombres saharauis.[4]
En 2005, en un djuzgo en Maroko, era kondenada a estar 7 meses en la yamada "Prizion Negra" de El Aaiun. Este djuzgo era deklarado inchido de yerros por Amnistia Internasionala, deke esta organizasion konsidera ke Haidar es una "prizionera de pensada". Alkunos diputados al Parlamento Evropeo kriaron una kampanya internasionala para azer ke Haidar seya echa libbera. Diskues de un mes en esta prizion, era echa libbera en Djenero de 2006; esto dio vida ala demanda de independensia de los saharauis, ke azieron manifestasiones en las kalejas de El Aaiun i elevos saharauis en la Universita de Marrakesh. Estos evenementos, la manera komo era enkarselada sin un djuzgo vedradero i el suporte de politikos evropeos izieron ke eya seya konsiderada una ambasadora no ofisiala de la Repuvlika Araba Saharaui Demokratika, anke no apartiene al Frente Polisario.
En Ogusto de 2006, el governo de Maroko le kito el pasaporto i el dirito de los sus ijos de salir del payis. Ma el 18 de Novembre de este anyo, Maroko acheto dolashear el su pasaporto, diskues de ke el prezidente de Fransia Nicolas Sarkozy avlara en nombre de eya kon el rey Mohamed VI. [5]
Ekspulsion a Lanzarote y konflikto internasional
[trocar | trocar el manadero]En Novembre de 2009, kuando Haidar aboltava de Mueva York, kuando el su avion arivo al Ayroporto Hassan I de El Aaiun, era metida en prizion por 24 oras por la Polis de Maroko i echada del payis el diya 14 de Novembre, en un bolo verso la isola de Lanzarote. El 17 de Desiembre de ese anyo, Haidar abolto a El Aaiun, diskues de pasar 32 diyas sin komer ni bever, en protesta por el su dirito de tornar al Sahara Oksidental.[6]
- Mas informasion: Maslat Aminatou Haidar.
Onores
[trocar | trocar el manadero]Tiene aresivido munchos onores internasionales por modre del su aktivismo por los diritos de los saharauis, komo por enshemplo:
- Premio de Diritos Umanos Juan María Bandrés (2006).
- Solidar Silver Rose Award (2007).
- Premio de Diritos Umanos Robert F. Kennedy (2008).
- Premio al koraje sitizeno de la Fundacion Train (2009).
- Premio Internasional Jovellanos ala Resistensia i Libertad (2010).[7]
- Premio Dolores Ibárruri (2010).
Endemas, es yamada kandidata para otros premios internasionalos, komo el Premio Saharov, propozado por el Paramento Evropeo, el Premio Fondo Ginetta Sagan porpozado por Amnistia Internasionala i afilu el Premio Nobel de la Paz enel anyo 2008,[8] i el Premio Kanarias en 2016.[9]
En Djenero de 2010 aresivio el titolo de Sitizena de Onor de la sivdad italiana de Sesto Fiorentino.[10]
Referensias
[trocar | trocar el manadero]- ↑ Denuncia. SaharaLibre.es (en lingua kastilyana)
- ↑ Sahrawi human rights defenders under attack. Amnistia Internasionala (en lingua inglesa)
- ↑ Marruecos expulsa a Canarias a la más célebre activista saharaui. El País (en lingua kastilyana)
- ↑ REGRESARÉ. La voluntad y la fuerza. El País (en lingua kastilyana)
- ↑ Haidar aterriza en El Aaiún donde es recibida por sus seguidores. El Mundo (en lingua kastilyana)
- ↑ Haidar ya está en El Aaiún. El País (Espanya) (en lingua kastilyana)
- ↑ Haidar, galardonada con el Premio Jovellanos. Europa Press (en lingua kastilyana)
- ↑ CC exige a Marruecos la inmediata liberación de Aminatou Haidar. Diario ABC (en lingua kastilyana)
- ↑ Somos Lanzarote propone a la activista Aminatu Haidar al Premio Canarias 2016. Diario de Lanzarote (en lingua kastilyana)
- ↑ Una ciudad italiana nombra ciudadana de honor a Aminetu Haidar. Europa Press (en lingua kastilyana)
Ver endemas
[trocar | trocar el manadero]Atamientos eksternos
[trocar | trocar el manadero]- Aminatouhaidar.org Actualización diaria del Caso Haidar. (en lingua kastilyana)
- Blog de la Plataforma de Apoyo a Aminetu Haidar en el Aeropuerto de Lanzarote (en lingua kastilyana)
- Denuncia policial de Aminatu Haidar ante el Cuerpo Nacional de Policía del Aeropuerto Lanzarote (en lingua kastilyana)
- Vídeo de declaración de Aminatu (Diario de Lanzarote) (en lingua kastilyana)
- Nada puede con el valor de Haidar (Reportaje de El País). (en lingua kastilyana)