Boeing B707
Dit artikel is gesjreve (of begós) in 't Oeals. Laes hie wie v'r mit de versjillende saorte Limburgs ómgaon.
![](http://178.128.105.246/cars-http-upload.wikimedia.org/wikipedia/commons/thumb/3/3b/Boac_b707_arp.jpg/250px-Boac_b707_arp.jpg)
De Boeing B707 waas 't eerste sjtraolverkeersvleegtuug van'ne Amerikaanse vleegtuugboewer Boeing. De B707 booj maatsjappieje en passageers väöl comfort, betroewbaarheid en leger koste. De boew van 't basismodel (B707-100) waerdje al sjnel gesjtop en euvergenome door de B707-200 dae euver sjterker en zuuniger motors besjikdje.
De gesjiedenis
[bewirk | brón bewèrke]'t Eerste prototype, de B367-80, maakdje de eerste vluch in 1955. De eerste serietoesjtelle waerdje eind 1957 geleverd aan'ne klantje. De eerste klantj waas het inmiddels failliet Pan Am. 't Toesjtel kreeg mit eine gooie concurrent te maake. Dit vleegtuug, de DC-8 van de Amerikaanse boewer Douglas, leek sjterk op'pe B707 maar haaj eine sjmalere romp. De angere concurrent, de De Havilland Comet, waas nao inkele ongevalle geine sjterke concurrent meer.
De B707-120
[bewirk | brón bewèrke]De B707-120 waas 't eerste vleegtuug oet de succesvol B707 generatie die in produktie ging. Ze waas door Boeing in eerste insjtantie ontwikkeldj veur 't gebroek op continentale vluchte. Door ein grote brandjsjtofcapaciteit waas ze echter waal in sjtaat om de oceaan euver te vleege mit 't maximaal aantal passageers. Ten opzichte van de B367-80, 't prototype van de B707 haaj ze eine 1,31 maeter langere romp en iets groter vleugels. Veer Pratt & Whitney JT3C-6 turbojet motors leverdje gezamelik ein vermoge van 23.600 kg. Dees motors waare neet de meist effectieve. Door 't gewich van 't vleegtuug (laeg: 51.400 kg) en de relatief zjwakke motors haaj de B707-120 ein sjtartbaan neudig van 3100 maeter! Hiejdoor koste allein de groter lochhaves waere aangevlaoge. Bij häöre opvolger, de B707-120B, waerdje dit mit 400 maeter verkortj nao 2700 m. 't vleegtuug booj plaats aan 121 passageers in'ne eerste klas of 179 passageers in'ne zogenaamde tourist class. Op 20 december 1957 vloog 't eerste produktievleegtuug en halverwege september 1958 ontving ze van de FAA häör typecertificaat veur lochwaardigheid. Korte tied hiejnao waerdje 't eerste vleegtuug aafgeleverdj aan Pan American Airways ouch waal Pan Am genumpdj.
Technische gegevens Boeing B707-120B
[bewirk | brón bewèrke]![](http://178.128.105.246/cars-http-upload.wikimedia.org/wikipedia/commons/thumb/2/2c/Boeing_707-300_v1.0.png/220px-Boeing_707-300_v1.0.png)
Lengte: 44,04 m.
Breidte: 39,88 m.
Heugte: 12,70 m.
Kruutssjnelheid: 940 km/u
Vleegbereik: 6000 km.