Justice
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
![](http://178.128.105.246/cars-http-upload.wikimedia.org/wikipedia/commons/thumb/6/60/Justice1.jpg/220px-Justice1.jpg)
Justice is e Frans electro/house-duo bestaond oet: Gaspard Augé (gebore 21 mei 1979) en Xavier de Rosnay (gebore 2 juli 1982). Ze zien de miest succesvol gróp vaan 't label Ed Banger Records, en hunne manager is de baas vaan 't label, geneump Pedro Winter. 't Handelsmerk vaan Justice is e groet leechgevend kruus, wat oonder aandere ouch te zien is in hun shows. Ze stoon bekind um hun groete rock-invlood in hunne meziek.
![](http://178.128.105.246/cars-http-upload.wikimedia.org/wikipedia/commons/thumb/7/70/Justice_%40_Rock_Werchter_2008.jpg/220px-Justice_%40_Rock_Werchter_2008.jpg)
Historie
[bewirk | brón bewèrke]Justice woort bekind door hunne remix vaan "Never Be Alone" vaan Simian, dee ze hadde gemaak veur 'ne remix-wedstrijd van e Paries radiostation. Door dee remix woorte ze gecontracteert bij Ed Banger records (dee bracht de remix ouch oet) en woort de remix 'n hit in de clubs en op 't internet. De remix woort in 2004 obbenuits oetgebrach oonder 't label International DeeJay Gigolo Records vaan DJ Hell en daonao woort 't oeteindelek in de zomer vaan 2006 oetgebrach in Groet-Brittannië, oonder de naom "We Are Your Friends".
Nao de originele release vaan "Never Be Alone", wèrkte Justice aon remixes veur versjèllende Franse bands (Vicarious Bliss, Scenario Rock en Gambit) mer ouch veur de groeter naome zoewie Britney Spears, N*E*R*D, Fatboy Slim en Daft Punk. Justice ierste solo single, "Waters Of Nazareth", kaom in september 2005 oet oonder Ed Banger Records. 't Nómmer woort obbenuits oetgebrach in 2006 same mèt de versjèllende remixes. 't Remix-werk vaan 't duo ging gewoen door, en ze höbbe nog remixes gemaak veur oonder aandere Franz Ferdinand en Mystery Jets.
Justice heet op de MTV Europe Music Awards vaan 2006 d'n award gewonne veur sjiekste video veur Justice vs. Simian - "We Are Your Friends". Justice woort midde in de speech oonderbroke door de rapper Kanye West, umtot West voont tot heer de award had mote winne.
't Debuutalbum vaan Justice, genaomd †, is oetgebrach op 11 juni 2007. 't Nómmer "D.A.N.C.E" waor genomineerd veur de award veur bèste video vaan 't jaor op zoewel de MTV Video Music Awards es de MTV Europe Music Awards. Bij de MTV Video Music Awards verlore ze vaan Rihanna's Umbrella mer op de MTV Europe Music Awards woort veur 't twiede jaor op rij de award veur bèste video gewonne.
Op 14 november 2008 stoont Justice in de 'Melkweg veur de DVD-release tour veur de documentaire "A cross the universe", 'n documentaire euver Justice. In 2011 kaom hun nuij album oet: Audio, Video, Disco. Me verwachde väöl vaan dit album. Evels bleek dit neet zoen groet succès te weure wie † dat oetindelek wel woort. Sommege lui spreke zelfs vaan 'ne flop. Ein vaan de bekinste brónne die dat zag, is de OOR (Limbörgs: d'n oer): 't groetste meziektiedsjrif vaan de Benelux. Officieel is 't evels gein flop. 'n Album is dat naomelek pas wienie 't verluus heet gemaak. Dat waor neet 't geval mèt Audio, Video, Disco. Tot de verwachtinge stökker hoeger waore es 't oetindelek bleek te zien kin me evels wel mèt zekeregheid zègke.
In Limbörg
[bewirk | brón bewèrke]Justice heet twie kier in Limbörg opgetroje, bei kiere in 2007. Vlak veur zie bekind woorte en hun debuutalbum oetbrachte hadde zie opgetroje in jannewarie, in Genk. D'n twiede kier in Limbörg waor mèt 't popfestival Pinkpop, in Landgraaf. In dat jaor zien ze ouch hendeg bekind gewore euver gaans Europa en e paar jaor later ouch in de VS en Canada.
Discografie
[bewirk | brón bewèrke]Albums
[bewirk | brón bewèrke]Albums mit hitnoteringe in de Nederlandse Album Top 20/50/100 | |||||
Titel | Datum van oetbringe |
Datum van binnekoms |
Hoogste positie |
Aantal waek |
Opmèrkinge |
---|---|---|---|---|---|
Waters of Nazareth | 2005 | - | EP | ||
We Are Your Friends | 2006 | - | EP | ||
D.A.N.C.E | 2007 | - | EP | ||
† | 2007 | 23-06-2007 | 77 | 5 | |
DVNO | 2008 | - | EP | ||
A Cross The Universe | 2008 | 13-12-2008 | 94 | 1 | |
Audio, Video, Disco | 2011 | 29-10-2008 | 97 | 1 |
Albums mèt hitnoteringen in de Vlaomse Ultratop 50 | |||||
Titel | Datum van release |
Datum vaan binnekoms |
Hoegste pesitie |
Aantal waek |
Opmèrkinge |
---|---|---|---|---|---|
† | 2007 | 30-06-2007 | 33 | 2 | |
A Cross The Universe | 2008 | 06-12-2008 | 39 | 1 |
Remixes
[bewirk | brón bewèrke]- "Theme from Vicarious Bliss" door Vicarious Bliss (2003)
- "Steamulation" door Gambit (2003)
- "She Wants to Move" door N*E*R*D (2004)
- "Skitzo Dancer" door Scenario Rock (2004)
- "Me Against the Music" door Britney Spears (2005)
- "Blood On Our Hands" door Death from Above 1979 (2005)
- "Don't Let the Man Get You Down" door Fatboy Slim (2005)
- "Human After All" door Daft Punk (2005)
- "NY Excuse" door Soulwax (2005)
- "You Can't Fool Me Dennis" door Mystery Jets (2005)
- "The Fallen" door Franz Ferdinand (2006)
- "Nazis" door Mr. Oizo (2006)
- "Lovestoned" door Justin Timberlake (2007)
- "Lower State of Consciousness" door ZZT (2007)
- "Master of Puppets" door Metallica (2008)
- "Electric feel" door MGMT (2008)
- "Get on your boots" door U2 (2009)
- "Let love rule 2009" door Lenny Kravitz (2009)
DVD's
[bewirk | brón bewèrke]- A cross the universe (live registratie & documentaire) (2008)