Barboutu
![](http://178.128.105.246/cars-http-upload.wikimedia.org/wikipedia/commons/thumb/b/be/Apus_apus_-Barcelona%2C_Spain-8_%281%29.jpg/300px-Apus_apus_-Barcelona%2C_Spain-8_%281%29.jpg)
![](http://178.128.105.246/cars-http-upload.wikimedia.org/wikipedia/commons/thumb/3/3e/Apus_apus_MHNT_ZOO_2011_11_159_Le_Louvres_Paris.jpg/220px-Apus_apus_MHNT_ZOO_2011_11_159_Le_Louvres_Paris.jpg)
Barboutu o sbiru (apus apus) oxellu migratû, in po scimmile a-a rondanin-a, tüttu neigru, lungo 15–18 cm, cu-e ae a furma de messuiia e n'avertüa de 35–40 cm.
U numme latin apus u ven do-u gregu ἄπους ch'u vö dî "sensa pê" difæti u gh'ha e sampe mai tantu cürte ch'u pö arampinâse sciü pe-e miage ma u nu pö caminâ, e se pe sballiu u va in tæra u nu pö ciü repigiâ u xöu. Cuscì u passa a ciü gran parte da sö vitta pe l'aia, duve u s'acubbia e u dorme ascì.[1]
U migra in Eüropa de primaveja pe fâ u niu, mentre u passa l'invernu in Affrica o-u süd de l'equatû.
U fa u niu inte di pertüxi inte miage o inte rocce o inti ærbui, de dunde u pö sâtâ zü pe pigiâ u xöu.
U se çibba d'insetti.
Ben suventi u l'é ciamou ascì "rundun", foscia pe via de l'italian, ma segundu u Carvi[2], u Paganin[3] e u Cazaçça[4] in zeneize u rundun veu e proppiu u l'è u cypselus melba (ancö Tachymarptis melba), un po ciü grossu e cu-u petu giancu, ch'u se vedde ben ben ciü de ræu.
Moddu de dî
[modìfica | modìfica wikitèsto]Ese per l'aia comme l'annima di sbiri [5] (ese ramengu).
Referençe
[modìfica | modìfica wikitèsto]- ↑ www.commonswift.org
- ↑ Girolamo Calvi - Catalogo d'ornitologia di Genova - Genova - F.lli Pagano - 1828
- ↑ P. Angelo Paganini - Vocabolario domestico Genovese-Italiano con un'appendice zoologica - Genova - Schenone - 1857
- ↑ Giovanni Casaccia - Dizionario Genovese-Italiano - Genova - Schenone - 1876
- ↑ G. Cazaçça op.çit.
Atri progètti
[modìfica | modìfica wikitèsto]Wikimedia Commons a contêgne di files in sce Barboutu
Wikispecies a contêgne informaçioìn in sce Barboutu
Contròllo de outoritæ | LCCN (EN) sh2015000590 · GND (DE) 4221212-1 |
---|