Recurvirostridae
ZE
|
Quésta pàgina a l'é scrîta in léngoa zenéize
![]() A Grafîa adeuviâ a l'é quélla de l'Académia Ligùstica do Brénno |
I Recurvirostridae (Bonaparte, 1854) én ina famìggia d'öxelli limicoli, inte l'órdine Charadriiformes, co-i generi Recurvirostra, Himantopus e Cladorhynchus. Dôe spêce s'atreuvan in Eoröpa: Recurvirostra avosetta e Himantopus himantopus
Moneghinn-a (Recurvirostra avosetta)
[modìfica | modìfica wikitèsto]![Recurvirostra avosetta](http://178.128.105.246/cars-http-upload.wikimedia.org/wikipedia/commons/thumb/c/c5/Pied_Avocet_Recurvirostra_avosetta.jpg/220px-Pied_Avocet_Recurvirostra_avosetta.jpg)
A Moneghinn-a (Recurvirostra avosetta (Linnaeus, 1758): in italiàn Avocetta) o l'é l'ùnico di Limicoli co-e sanpe parmæ. A l'é lónga 47 cìtti, co-e gànbe lónghe grîxo-celestin. Masccio e femina àn a mæxima livrea de cô gianco e neigro, inconfodibile pe-o sotî e lóngo becco a læxina ch'a méscia co-o tipico movimento laterale d'òscilaçión da sinìstra a déstra e vicevèrsa a fî d'ægoa pe nutrìse.
Óxello migratô o l'arìva in Primavèia, o predilìgge zöne ùmide, Àto Adriàtico, Palùddi Toscann-e, Valli da pesca, Górfo de Càliari, laghi Poliéixi, Sicìlia.
O nidìfica a Nòrd in còste fangôze; a fâ o nîo in tæra, 3-4 êuve côvæ da tùtti doî pe 22-23 giórni. I polìn nidîfûghi xêuan dòppo in méize.
Gànbe lónghe ò Sighéugna (Himantopus himantopus)
[modìfica | modìfica wikitèsto]![Himantopus himantopus](http://178.128.105.246/cars-http-upload.wikimedia.org/wikipedia/commons/thumb/4/4d/Himantopus_himantopus%2C_S%C3%A8te_cf26.jpg/220px-Himantopus_himantopus%2C_S%C3%A8te_cf26.jpg)
Gànbe lónghe ò Sighéugna[1] (Himantopus himantopus (Linnaeus, 1758); in italiàn Cavaliere d'Italia) o l'é 'n öxello menûo lóngo 40 cìtti, de cô giànco co-o dòrso, e âe e o becco néigri; e ganbe lónghiscime de cô rêuza; o peu avéi o copùsso néigro (livrea nuçiâle), a femina a l'é maròn. O becco o l'é drîto sotî.
In Italia o nidìfica in Delta Po, Orbetello, Sardégna, Parco do Mincio, Fôxe Izónso, in Meridión inti laghi de Lesina e Varano, Salinn-a Margàita de Savoia, Sicilia.
Nòtte
[modìfica | modìfica wikitèsto]- ↑ A pòula a l'é scrîta in moddi diversci segondo l'outô: Zigheugna into Catalogo d'ornitologia di Genova (1828) do Girolamo Calvi. Çighêugna into Vocabolario do Casaccia Sighêugna into Vocabolario do Paganini Da notâ che sott' a-a voxe Çighêugna o primmo Casaccia (Vocabolario..1851) o parla solo che de Himantopus himantopus. Inte l'ediçion do 1876, in cangio, se parla primma in scî doî öxélli do genere Ciconia. Into Paganini gh'é træ vôxe: Sighêugna gianca, Sighêugna néigra e Sighêugna o Gambe lunghe
Âtri progètti
[modìfica | modìfica wikitèsto]Wikimedia Commons a contêgne di files in sce Recurvirostridae
Wikispecies a contêgne informaçioìn in sce Recurvirostridae