Torénte Lavàgna
ZE
|
Quésta pàgina a l'é scrîta in léngoa zenéize
![]() A Grafîa adeuviâ a l'é quélla de l'Académia Ligùstica do Brénno |
![](http://178.128.105.246/cars-http-upload.wikimedia.org/wikipedia/commons/thumb/4/4f/Antico_ponte_sul_torrente_Lavagna_vicino_al_mulino_di_Boasi.jpg/300px-Antico_ponte_sul_torrente_Lavagna_vicino_al_mulino_di_Boasi.jpg)
O Lavàgna o l'é 'n riâ ch'o se trêuva inta çitæ metropolitànn-a de Zêna, lóngo ciù ò mêno 40 chilòmetri e afluénte do sciùmme Entélla.
Giögrafîa
[modìfica | modìfica wikitèsto]O torénte o nàsce da-o Mónte Bragàggi (965 m), into teritöio do comùn de Lumàrso. Da lîe o chìnn-a zu pe tùtta a Valàdda Fontànn-a Bónn-a, traversàndo, inte l'órdine, i comùn de Lumàrso, Neión, Tribéugna, Mocònexi, Cicàgna, Oê, Coêgia, Sàn Conbàn, Léivi e Caràsco. Pe de ciù, co-o sò baçî idrogràfico o Lavàgna o l'inclùdde i teritöi de quélli de Bargàggi, d'Aósci, de Lórsega e do Favâ ascì.
Arivòu arénte a-o pàize de Caràsco o se unìsce co-o Stùrla de Caràsco e co-o Gravéggia pe formâ coscì o sciùmme Entélla, ch'o sfociâ into Mâ Lìgure a l'altéssa do confìn tra i comùn de Ciâvai e de Lavàgna.
Afluénti
[modìfica | modìfica wikitèsto]O torénte Lavàgna o l'arechéugge l'ægoa de âtri rién e, in particolâ, i sò afluénti de mancìnn-a ciù inportànti són:
- O torénte de Urri
- O torénte Neión
- O canâ de Mocònexi
- O torénte Còrnia
- O torénte Màlvaro
- O canâ d'Izolónn-a
Pe cóntra, da drîta, arîvan i rién indichæ chi de sótta:
- O torénte Boasi
- O torénte Lumàrso (ò Lanzuola)
- O torénte Litteglia
- O torénte Canevale
Âtri progètti
[modìfica | modìfica wikitèsto]Wikimedia Commons a contêgne di files in sce Torénte Lavàgna
Colegaménti estèrni
[modìfica | modìfica wikitèsto]- (IT) Lavagna - Piani di bacino stralcio per l'assetto idrogeologico, in sce pianidibacino.ambienteinliguria.it. URL consultòu o 6 novénbre 2022.