Fulminometro
El fulminometro a l’è on sistèma fa su de ona red de stazion de rilevazion e de on sistèma central de raccòlta, calcol e smistament di dati. I stazion de rilevazion hinn di antèn che releven l’attivitàa elettrica di nivol in del cors di temporaj, sia quèlla denter ind la nivola, che quèlla tra la nivola e el soeul. I segnàl raccòlt di antènn hinn mandà al sistèma central che ‘l calcola i coordinad geografegh di fulmin e starlusc, el moment ch’hinn succedùu e tucc i parametri elèttrich (ampièzza de corrent, polarità, intensità. De già che i fulmin e i stralusc produsen de ond elettromagnetich ch’hinn oscillazion del camp elettromagnetich, per via de la sfasadura tra i segnaj rilevàadi vari antèn l’è possibil a stabilìi el temp che ‘l gh’è vorùu per raggiòngej, e de la differenza tra i vari temp a l’è possibil a calcolà i coordinad geografigh per mèzz de la triangolazion. I freguenz rilevàa hinn compres in do bind, vuna tra 110 e 118 MHz e l’altra ind la banda a bassa freguenza tra 300 Hz e 3 MHz per rilevàa i scaregh a tèrra. I rilevazion hinn despèss miss foeura in su l’Internètt. [1]
Riferiment
[Modifega | modifica 'l sorgent]- ↑ Gabriele Formentini (2009). Temporali e e Tornado (in italian). Alpha Test, 92-93. ISBN 978-88-483-0992-9.