Mika Häkkinen
Quel articul chì l'è scrivüü in Lumbard, cun l'urtugrafia insübrica ünificada. |
Mika Häkkinen | ||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
![]() | ||||||||||||||||||||||||||
Nazionalitaa | ![]() | |||||||||||||||||||||||||
Alteza | 179 cm | |||||||||||||||||||||||||
Automobilism ![]() | ||||||||||||||||||||||||||
Categoria | Formula 1 | |||||||||||||||||||||||||
Ritirad | 14 utuber del 2001 | |||||||||||||||||||||||||
Cariera | ||||||||||||||||||||||||||
| ||||||||||||||||||||||||||
Statistege ajornade al Gran Premi del Giapun 2001 |
El Mika Häkkinen (Vantaa, el 28 de setember del 1968), l'è un pilota de Formula 1 finlandes, che l'ha gemò desmetüü de corr. L'è staa Campion del Mund dü volt, in del 1998 e in del 1999, quand che el guidava la McLaren.
Cariera
[Modifega | modifica 'l sorgent]Häkkinen el cumincia a corr in del Gran Premi di Stat Ünii 1991 cun la Lotus 102B, che l'è una machina pütost lenta. La machina de l'ann dopu, però, la Lotus 102D, la va decisament mej, e 'l Häkkinen el rüva utav in del Campiunaa Piloti. In del 1993 el pasa a la McLaren cume terz pilota, perché la scüderia la gh'era gemò Ayrton Senna e Michael Andretti cume titulari. L'ann dopu Senna e Andretti i van via e lü el diventa el prem pilota de la squadra. La machina l'è püssee lenta de la Benetton e de la Williams, ma la và pütost ben e Häkkinen el finiss quart. In di pröv del Gran Premi d'Australia 1995, in sül circuito de Adelaide, el fà un incident teribil e 'l resta in coma per dü dì. El turna a corr gemò al prem Gran Premi de la stagion 1996, e 'l venc ul Gran Premi d'Europa l'ann dopu.
Nel 1998 la McLaren la se presenta cun la MP4/13, che l'è velus e afidabel: Häkkinen el vinc vott Gran Premi e el diventa campion del mund davanti al Michael Schumacher in sü la Ferrari. Anca nel 1999 la rivalità tra el finlandes e el tudesch la par granda, ma al Gran Premi d'Inghiltera el Schumi el se rump la tibia e 'l perun de la gamba destra e gh'ha de sta fö per ses Gran Premi. A l'ültima gara, a Suzuka, Häkkinen el gh'ha però de recüperà quater punti al olter Ferrarista Eddie Irvine: Häkkinen el vinc ul Gran Premi e Irvine el rüva terz, inscé el finlandes el diventa campion del mund per la segunda volta. El 2000, però, l'è l'agn de Schumi, e Häkkinen el rüva segund in del mundial cun quater Gran Premi vengiüü. A la fin del 2001 el se ritira, perché el dess che el gh'ha piö vöja de ris'cià de fass mal o de murè.