Veronica Lario
![]() |
Quest articol chì l'è scrivud in lombard, con la Noeuva Ortografia Lombarda |
![](http://178.128.105.246/cars-http-upload.wikimedia.org/wikipedia/commons/thumb/f/f3/Veronica_Lario.svg/220px-Veronica_Lario.svg.png)
La Veronica Lario (pseudonim de la Miriam Raffaella Bartolini; Bologna, 19 de luj 1956) a l'è 'n atora italiana, ben cognossuda per vesser la segonda mier del Silvio Berlusconi, che gh'hann havud trii fioeui, e hann poeu divorziad.
Biografia
[Modifega | modifica 'l sorgent]Fioeula de la Flora Bartolini e del Vladimiro Capponi, la gh'ha el cognom de la mama perchè al temp la lesg la permeteva no ai omen de recognosser i fioeui de 'na relazzion extraconiugal, l'è stada atora in television, al cinema e a teater. Propi a teater, al Manzon de Milan, in del 1980, la cognoss el Berlusconi, se incontren e la fa san Michel in la sed de Fininvest e in del 1985, quand che 'l Berlusconi el divorzia de la prima mier Carla Dall'Oglio, vann a viver insema. Gh'hann havud trii fioeui: la Barbara, l'Eleonora e 'l Luigi. Anca se l'è stada la mier del premier che l'è stad per pussee temp al governo in Italia, l'è mai stada vista trop in publegh e l'ha squasi mai compagnad el marid in di event ofizziai.
Comunque, la soa relazzion l'è stada tratada fiss in di media: in del 2002 el gossip l'ha ipotizad una relazzion de lee cont el Massimo Cacciari, filosof e ex sindegh de Venezzia, che l'ha desmentid, e 'l Berlusconi l'ha scherzad despess in publegh in sul tema. Despess l'ha mostrad anca oposizzion ai idee politeghe del marid, per esempi in la guerra in Iraq o in di referendum in su la fecondazzion assistida.
In del 2007, ghe manda a la Repubblica una letera publega indova che la domanda al Berlusconi di scuse per havé fad di coment galant a di done che gh'eren a la cerimonia di Telegatti, e lu ghe i fa cont un'altra letera publega, un event che 'l lassa del gran parlà in sui media, italian e forester.
Separazzion e divorzi
[Modifega | modifica 'l sorgent]In del 2009 la critega propi tant el marid per el cas de la Noemi Letizia, toseta che l'haveva apena fad 18 agn e che 'l Berlusconi l'era andad a la soa festa de compliann e in del midem ann l'è nonziada la separazzion del premier, cont un gran assegn de manteniment, e in del 2014 a gh'è el divorzi. El Berluscon l'ha dad su recors contra el gran assegn de manteniment e gh'hann dad reson e i giudes hann anca did che l'havaria havud de dàgh indree i vegg assegn, ma a la fin riven a 'n acord inscì che la gh'habia no de daghéi ma domà de ciapà no di assegn pussee.
Riferiment
[Modifega | modifica 'l sorgent]Alter proget
[Modifega | modifica 'l sorgent]Wikiquote el gh'ha dent citazzion de o su Veronica Lario
Wikinotizie el gh'ha dent notizzie in su Veronica Lario
Wikimedia Commons el gh'ha dent imagin o alter archivi su Veronica Lario