ຊຸດລາວ
![](http://178.128.105.246/cars-http-upload.wikimedia.org/wikipedia/commons/thumb/8/8a/Xoutlao.jpg/220px-Xoutlao.jpg)
ຊຸດລາວແມ່ນຊຸດປະຈຳຊາດຂອງຊາວລາວລຸ່ມ ນຸ່ງຫົ່ມໄດ້ໂດຍທັງຜູ້ຊາຍ ແມ່ຍິງ ແລະເດັກນ້ອຍ.
ສ່ວນປະກອບ
[ດັດແກ້]ຊຸດລາວແມ່ນປະກອບດ້ວຍຫຼາຍສ່ວນ ມີຫຼາຍແບບເຊິ່ງຂຶ້ນຢູ່ກັບວາລະ ສະຖານທີ່ ຫຼືເພດແລະໄວຂອງຜູ້ນຸ່ງຫົ່ມ. ມັກນຸ່ງໃນງານບຸນສຳຄັນ ເຊັ່ນ ເວລາໄປທຳບຸນ, ຕັກບາດ, ເຂົ້າວັດຟັງທຳ, ງານກິນດອງ, ຫຼື ພິທີທາງສາສະໜາ. ໃນງານກິນດອງນັ້ນ ເຈົ້າບ່າວມັກນຸ່ງເສື້ອຂາວ, ຜ້າຫາງ, ແພບ່ຽງບ່າຍ, ບ່າໄຫຼ່ພາຍຖົງ, ງ້າວ, ຖົງຕີນສີຂາວຍາວເຖິງເຂົ່າ, ແລະເກີບ. ສ່ວນແມ່ຍິງກໍມັກເກົ້າຜົມ ໂດຍນຳສາຍຄຳໄປຄຽນຕາມກົກເກົ້າຜົມແລ້ວປັກປິ່ນເກົ້າເໜັບ., ທາງດ້ານຫຼັງຕີນຜົມກໍຈະມີສາຍຄຳໂຄ້ງຢ່ອງລົງໄປ ສ່ວນໜ້າກໍຈະແຕ່ງຢ່າງພໍດີພໍງາມບໍ່ໂລດໂຜນເກີນໄປ, ສ່ວນຫູກໍຈະໃສ່ຕຸ້ມຫູຍອຍດອກໝາກ, ສ່ວນໂຕກໍຈະນຸ່ງເສື້ອປ້າຍມີແຂບຄຳຖັກດ້ວຍໄໝຄຳຝັ້ນ ແລະນຸ່ງສິ້ນເຊິ່ງມັກນຸ່ງໃຫ້ເຂົ້າກັບຜ້າແພບ່ຽງ, ໃສ່ສາຍຄໍຄຳ ແລະ ເຄື່ອງປະດັບຕ່າງໆ.[1]
ອ້າງອີງ
[ດັດແກ້]ບັນນານຸກົມ
[ດັດແກ້]- Dolly Brittan (1997). The People of Laos. New York: PowerKids Press. ISBN 082-3951-24-3.
- Edeltraud Tagwerker (2009). Siho and Naga--Lao Textiles: Reflecting a People's Tradition and Change. Frankfurt am Main: Peter Lang. ISBN 363-1586-89-2.
ແຫຼ່ງຂໍ້ມູນອື່ນ
[ດັດແກ້]- Sinhs (Lao skirt fabric) Archived 2013-07-23 at the Wayback Machine