Urang Sasak
Urang Sasak ᬲᬸᬓᬸᬲᬲᬓ᭄ سوكو ساساك | ||||||||||||||||||
---|---|---|---|---|---|---|---|---|---|---|---|---|---|---|---|---|---|---|
Pulih Tuturan.jpg | ||||||||||||||||||
Jumlah populasi | ||||||||||||||||||
± 3.3 juta | ||||||||||||||||||
Kawasan bapopulasi cukuik banyak | ||||||||||||||||||
| ||||||||||||||||||
Bahaso | ||||||||||||||||||
Sasak/Lombok • Indonesia | ||||||||||||||||||
Agamo | ||||||||||||||||||
Mayoritas: Islam Sunni (termasuk Islam Tradisional yakni praktik Wetu Telu) Minoritas: Hindu • Kristen • Buddha • Agama Tradisional (Boda) • Konghucu | ||||||||||||||||||
Kalompok etnik takaik | ||||||||||||||||||
Bali • Melayu • Jawa • Sumbawa/Samawa • Madura • Mbojo/Bima • Tolaki • Bugis • Buton • Dompu • Sunda • Mandar |
Suku Sasak (aksara Sasak: ᬲᬸᬓᬸᬲᬲᬓ᭄; Jawi: سوكو ساساك ) marupoan suku bangso nan mandiami pulau Lombok jo manggunoan bahaso Sasak. Sabagian gadang suku Sasak baragamo Islam, uniknyo pado sabagian ketek masyarakaik suku Sasak, ado praktik agamo Islam nan agak babeda jo Islam pado umumnyo saroman Islam Wetu Telu, tapi hanyo bajumlah sakita 1% nan malakuan praktik ibadah saroman itu. Ado pulo saketek urang suku Sasak nan manganuik kapacayoan pra-Islam nan disabuik jo namo "Sasak Boda".[1]
Kato Sasak barasa dari kato sak sak, artinyo ciek ciek. Kato sak dipakai lo dek sabagian suku Dayak nan barado di pulau Kalimantan untuak mangecekan ciek. Urang Sasak dipandang santiang mambuaek kain jo caro manenun, dulu satiok padusi dikecekan gadang jo siap barumah tanggo apabilo alah pandai manenun. Manenun dalam bahaso urang Sasak adolah Sèsèk. [2]
Kato sèsèk barasa dari kato sesak,sesek atau saksak. Sèsèk dilakuan jo caro mamasukkan banang satu parsatu(sak sak), kamudian banang disasekkan atau dirapekan hinggo sasak di padek untuak manjadi bantuk kain jo caro mamukua-mukuan alaik tanun. Uniknyo suaro nan tadanga katiko mamukua mukua alaik tanun itupun tadanga saroman suaro sak sak jo hanyo dilakuan dua kali sajo. [2]
Itulah asa kato sasak nan kamudian diambiak sabagian namo suku di pulau Lombok. Manuruik Sumber Lisan, mangecekan dek dulu bumi Lombok banyak tumbuah hutan balantaro, Tim Panyusun Kamuih Pusat Pambinaan jo Pangambangan Bahaso: Sasak diartian buluah bambu atau kayu nan dirakik jadi ciek. Sadangkan dalam Kitab Negarakertagama (Decawanana): Sasak jo Lombok dijalehan bahwa Lombok Baraik disabuik Lombok Mirah jo Lombok Timua disabuik Sasak Adi. Suku Sasak nan mulo-mulo mendiami pulau Lombok manggunoan bahaso Sasak sabagai bahasa kasaharian. Bahaso Sasak sangaik dakek jo bahaso suku Samawa (Sumbawa) jo Bali[2]
Etimologi
[suntiang | suntiang sumber]Namo "Sasak" partamo kali disabuikan dalam Prasasti Pujungan, yaitu sabuah prasasti nan ditamuan di Kabupaten Tabanan, Bali, nan diparkiroan barasa dari abaik ka-11.[3]
Asa namo Sasak kamungkinan barasa dari kato sak-sak nan artinyo sampan. Dalam Kitab Nagara Kertagama kato Sasak disabuik manjadi jo Pulau Lombok. Yakni Lombok Sasak Mirah Adhi. Dalam tradisi lisan urang satampek kato sasak dipacayo barasa dari kato "sa'-saq" nan artinyo nan ciek. Kamudian Lombok barasa dari kato Lomboq nan artinya luruih. Mangkonyo, jiko digabuang kato Sa' Saq Lomboq artinyo sasuatu nan luruih. banyak lo nan manarjamahan sabagai jalan nan luruih. [2]
Lombo Mirah Sasak Adi adolah salah ciek kutipan dari kakawin Nagarakretagama ( Desawarnana ), sabuah kitab nan mamuek tantang kakuasaan jo pamarintahan karajaan Majapahit, gubahan Mpu Prapanca. kato "lombok" dalam bahasa kawi bararti luruih atau jujua, "Mirah" bararti parmato, "sasak" bararti kanyataan jo "adi" artinyo nan elok atau nan utama. Mako Lombok Mirah Sasak Adi bararti kajujuran adolah parmato kanyataan nan elok.[4]
Adaik
[suntiang | suntiang sumber]Suku sasak mampunyoi adaik istiadaik nan hampia unik. Pangaruh Bali jo Malayu sangaik taraso dalam adaik istiadaik suku ko. Pangaruh Bali datang dari Karajaan Karangasem nan pernah manguasoi Pulau Lombok salamo kurang labiah 2 abaik, sadangkan pangaruh Malayu barasa dari pandakwah Islam di gumi sasak. Adaik jo budayo nan barasa dari pangaruah Bali saroman Gandang Beleq, Gamelan Tokol, Parang Topat jo Cakepung atau Cepung. Samantaro adaik jo budayo nan barasa dari pangaruh Malayu saroman Gambuih, Rudat, jo Cilokaq Sasak. [5]
Adaik istiadaik suku sasak dapek lo disaksiann katiko acaro parkawinan mulai dari malahiran gadih sampai nyongkolan. Gadih/dedare sasak katikonyo akan dinikahan dek seorang lelaki/ terune mako nan padusi harus dilarian dulu karumah kaluargo dari pihak laki-laki nan dikana jo sabutan merariq atau pelarian. [6]
Caranyo cukuik sadarhano, gadih/dedare pujaan indak mambaritahuan ka kaduo urangtuonyo kok ingin manikah. Gadih/dedare tasabuik tu harus dibaok dek pihak laki-laki untuak disambunyian samantaro wakatu di rumah pihak kaluargao dari laki-laki/terune'. Tapi. jan lupo aturan, manciluik gadih jo malariannya (manciluik dalam artian si gadih alah siap manikah jo sipanciluik) biasonyo dilakuan jo mambaok bara urang karabaik atau kawan dari pihak kaluargo laki-laki. Salain sabagai saksi karabaik nan dibaok untuak manciluik gadihtu sakalian sabagai pangiriang dalam prosesi itu. Gadih tu indak buliah dibaok langsuang ka rumah laki-laki harus dititipan karabaik laki-laki. Tantu menikahan gadih caronyo maminta izin ka urang tuonyo (redaq) labih tahormat daripado manciluik gadih tanpo pambaritahuan talabiah dulu, tapi proses modeko alah jarang ditamuan karano kabiasaan urang sasak labih dominan manciluiknyo supayo indak tahambek dek hal nan indak diinginan saroman indak disatujui dek urang tuo gadih atau katabatehan kamampuan dalam hal materi dek proses "redaq" biasono mahabisan biaya nan labiah gadang daripado malarian gadih (merarik) indak ba izin. [6]
![](http://178.128.105.246/cars-http-upload.wikimedia.org/wikipedia/commons/thumb/2/2a/Pintal_Benang_DSCF8334.jpg/300px-Pintal_Benang_DSCF8334.jpg)
Dalam proses palaraian gadih, sasudah sahari manginap. pihak kerabaik laki-laki mangirim utusan ka pihak kaluargo padusi sabagai pambaritahuan bahwa anak gadihnyo diciluik jo kini barado di ciek tampek tapi tampek manyambunyian gadih tu dirahasioan, indak buliah dikatahui kaluargo padusi. 'Nyelabar', istilah bahaso satampek untuak pambaritahuan itu, jo dilakuan dek karabaik pihak laki-laki tapi urang tua pihak laki-laki indak dibuliahan ikuik. [6]
Rombongan 'nyelabar' tadiri labih dari 5 urang jo wajib manganakan pakaian adaik (dodot). Rombongan indak buliah langsuang datang kakaluargo padusi. Rombongan talabiah dulu maminta izin pado Kliang atau tetua adaik satampek, sakada raso panghormatan ka kliang, datang pun ado aturan rombongan indak diparkanankan masuak ka rumah pihak gadih. Mereka duduak baselo dihalaman muko, ciek utusihan dari rombongan tu nan beko sabagai juru mangecek manyampaian pambaritahuan. [6]
Kapacayoan
[suntiang | suntiang sumber]Kini ko Kaparcayoan Masyarakaik Lombok mayoritas mamaluak Agamo Islam. Menuruik data Badan Pusat Statistik (BPS) Provinsi Nusa Tenggara Barat sabagai barikuik:
Persentase Panduduak Manuruik Kabupaten/Koto jo Agamo nan dianuik dek Provinsi Nusa Tenggara Barat 2016 | |||||||||
Percentage of Population by Regency / Municipality and Religions in Nusa Tenggara Barat Province 2016 | |||||||||
Kabupaten/ Kota | Islam | Protestan | Katholik | Hindu | Buddha | Khong Hu Cu | Kapacayoan Tradisional | Jumlah | |
Regency/Municipality | |||||||||
(1) | |||||||||
Kabupaten / Regency | |||||||||
1 | Lombok Barat | 94,33 | 0,19 | 0,07 | 5,14 | 0,27 | 0,00 | 0,00 | 100,00 |
2 | Lombok Tengah | 99,65 | 0,03 | 0,01 | 0,29 | 0,01 | 0,00 | 0,00 | 100,00 |
3 | Lombok Timur | 99,92 | 0,02 | 0,01 | 0,06 | 0,00 | 0,00 | 0,00 | 100,00 |
4 | Sumbawa | 96,45 | 0,42 | 0,47 | 2,55 | 0,06 | 0,00 | 0,03 | 100,00 |
5 | Dompu | 97,96 | 0,24 | 0,17 | 1,62 | 0,00 | 0,00 | 0,00 | 100,00 |
6 | Bima | 99,50 | 0,14 | 0,29 | 0,07 | 0,00 | 0,00 | 0,00 | 100,00 |
7 | Sumbawa Barat | 98,44 | 0,33 | 0,29 | 0,92 | 0,01 | 0,00 | 0,01 | 100,00 |
8 | Lombok Utara | 92,19 | 0,02 | 0,01 | 3,56 | 4,21 | 0,00 | 0,00 | 100,00 |
Koto / Municipality | |||||||||
9 | Mataram | 82,00 | 1,60 | 0,86 | 14,47 | 1,06 | 0,01 | 0,00 | 100,00 |
10 | Bima | 98,51 | 0,81 | 0,49 | 0,17 | 0,03 | 0,00 | 0,00 | 100,00 |
NUSA TENGGARA BARAT | 96,78 | 0,26 | 0,19 | 2,45 | 0,32 | 0,00 | 0,00 | 100,00 | |
Sumber : DPMPD, Kapandudukan jo Pancatatan Sipia |
Data ko manunjukkan bahwa mayoritas Panduduak di bara kabupaten nan ado di Provinsi Nusa Tenggara Barat baragamo Islam (rato-rato diateh 90%) [7] Sadangkan sabalumnyo, beberapa sumber maungkekan bahwa Pulau Lombok atau di sebut Gumi Sasak [8] alah dikuasoi dek kapercayaan Hindu (Beragama Hindu). Hal ko taliek dari artikel Bagaimana Pengaruh Hindu Budha di Gumi Gumi Sasak Lombok? manjalehan pado maso lampau ketiko kakuasaan-kakuasan kerajaan Hindu-Budha mampalueh daerah kakuasannyo hinggo ka Pulau Lombok. [8]
Rujuakan
[suntiang | suntiang sumber]- ↑ "Ruang Sejarah: Bagaimana Sistem Kepercayaan Masayarakat Sasak Lombok Pada Zaman Lampau?". Ruang Sejarah. Diarsipkan dari versi asli tanggal 2023-01-16. Diakses tanggal 2023-01-16.
- ↑ a b c d "Sejarah Asal-Usul Nama Sasak Lombok, kamu tahu!". www.riauonline.id. Diakses tanggal 2023-01-16.
- ↑ Wacana, H. L.; Suparman, L. G.; Argawa, Nyoman; Astuti, Renggo (1995-01-01) (dalam bahaso id). Hikayat Indarjaya. Direktorat Jenderal Kebudayaan. https://books.google.co.id/books?id=L-YvCwAAQBAJ&pg=PA1&dq=prasasti+pujungan&hl=id&sa=X&ved=0ahUKEwj-28SZtsLWAhVBQo8KHdamBM0QuwUINDAC#v=onepage&q=prasasti%20pujungan&f=false.
- ↑ "Ruang Sejarah: Menggali Sejarah Suku Sasak di Gumi Sasak di Lombok, Nusa Tenggara Barat". Ruang Sejarah. Diarsipkan dari versi asli tanggal 2023-01-16. Diakses tanggal 2023-01-16.
- ↑ "Suku Sasak - Sejarah, Bahasa, Kepercayaan, Adat, Tradisi & Budaya". RimbaKita.com (dalam bahasa Indonesia). 2022-07-23. Diakses tanggal 2023-01-19.
- ↑ a b c d "ADAT PERKAWINAN SUKU SASAK (Bagian 1)". sasaqgagah (dalam bahasa Indonesia). 2015-08-27. Diakses tanggal 2023-01-19.
- ↑ https://ntb.bps.go.id/statictable/2017/11/15/189/persentase-penduduk-menurut-kabupaten-kota-dan-agama-yang-dianut-di-provinsi-nusa-tenggara-barat-2016.html
- ↑ a b "Mengenal Sejarah Gumi Sasak Lombok Lebih Dekat, Sebuah Peradaban yang unik dan Menarik". www.riauonline.id. Diakses tanggal 2023-01-16.