Canal (quemunicaçon)
![](http://178.128.105.246/cars-http-upload.wikimedia.org/wikipedia/commons/thumb/4/4a/Disambig_grey.svg/20px-Disambig_grey.svg.png)
![](http://178.128.105.246/cars-http-upload.wikimedia.org/wikipedia/commons/thumb/a/af/Communications_men.jpg/220px-Communications_men.jpg)
An quemunicaçon, canhal (por bezes zeignado por canhal de quemunicaçon) zeigna l meio ousado para trasportar ua mensaige de l eimissor al recetor.
Quemunicaçon
[eiditar | eiditar código-fuonte]Dinámica de relacionamiento antre las pessonas i que pressupone dues dimensones. L diálogo que stablecemos conosco própios i que se chama diálogo antrapessoal (de mi para cumigo). L diálogo que stablecemos cun qualquiera outra pessona an qualquiera nible – fameliar, académico, profissional, amisade, afetibo, etc. – chama-se de diálogo anterpessoal.
To porcesso de quemunicaçon pressupone ls seguintes eilemientos:
- Trasmissor ó eimissor = aquel que trasmite berbal ó nun berbalmente un cuntenido d'eideias, palabras, spressones i balores qu'el zeia que l'outra pessona antenda.
- Mensaige = corresponde al cuntenido d'eideias, palabras, spressones i balores ambiados pul trasmissor i que seran catados pula outra pessona.
- Recetor = aquel que recibe la mensaige, anterpreta-l'i debolbe ua nuoba mensaige reformulada al sou trasmissor. Neste momiento aquel qu'era l recetor torna-se un nuobo trasmissor.
Canhales de quemunicaçon
[eiditar | eiditar código-fuonte]Ls canhales de quemunicaçon son trés:
- Bisual = ye pula forma de l'eimaige an que la pessona porcessoa i anterpreta l mundo. Para ua pessona ó público bisual, las anformaçones oubtidas de l meio ambiente ó de sue minte stan buoltadas para dados subre tamanho, proporçon, quelor, beleza, altura, perfundidade, anchura, detalhes… Ua pessona bisual ye mui ouserbadora ne l cunjunto i ne ls detalhes.
- Auditibo = ye la forma sonora la mais predominante. L'auditibo cunsegue perceber cun maior nitideç i facelidade dados binculados al sonido: belume, tonalidade, bocabulairo, rugidos, çcursos, cumbersas, çcussones. Ua pessona auditiba presta muita atençon naqueilho que stá sendo dezido.
- Cinestésico = ye la caratelística de las pessonas mui strobertidas, que se mobimentan muito, que gesticulan cun facelidade i qu'outelizan l cuorpo (lenguaige nun berbal) para se spressar.
Canhal (quemunicaçon por wireless)
[eiditar | eiditar código-fuonte]La cunfiguraçon de l canhal eiquibale al númaro de l canhal de rádio que será ousado pul AP para trocar dados cul çpositibo cliente na WLAN. Cada AP oupera nun canhal único, mas la maiorie de ls adatadores barre ls canhales para ancontrar l melhor senhal çponible cul mesmo SSID. Causo se tente ousar un adatador cun un canhal predefenido, esse númaro de canhal terá que cumbinar cul de l AP. Se sue rede ancluir mais dun AP, bocé deberá defenir puntos d'acesso adjacentes a canhales defrentes.