Quemunidade de Cristo
![](http://178.128.105.246/cars-http-upload.wikimedia.org/wikipedia/commons/1/15/IndependenceTemple3.jpg)
Quemunidade de Cristo (an anglés Community of Christ), coincida antes cumo Eigreija Reorganizada de Jasus Cristo de l Santos de l Redadeiros Dies (Reorganized Church of Jesus Christ of Latter Day Saints) ye la segunda maior ramificaçon de l Santos de l Redadeiros Dies. Surgiu cumo ua tentatiba de restauraçon, segundo sous seguidores, de las ouriges de l Santos de l Redadeiros Dies, i ten sue sede an Andependence, Missouri.
La Quemunidade de Cristo cunta hoije cun mais de 250.000 nembros an 50 países, sendo dirigida por ua Purmeira Persidéncia que cunsiste dun Profeta-Persidente i dous cunselheiros. L menistério de la eigreija ye superbisionado pul Cunseilho de l duoze Apóstolos. La cada dous anhos, delegados de to l mundo se reúnen para botar assuntos relatibos la eigreija na Cunferéncia Mundial.
Durante las redadeiras décadas la Eigreija ten mudado sue misson, dedicando-se a promober a toleráncia i redefinindo-se cumo ua eigreija de "Paç i Justícia". Alguas alteraçones amportantes ancluen la ourdenaçon de mulhieres al sacerdócio (debido a ua rebelaçon recebida an 1984 pul anton Persidente Wallace B. Smith , sendo el l purmeiro na sucesson de la Persidéncia de la Eigreija que nun ye de la lhinhaige direta de Joseph Smith Jr., perdendo assi la justificatiba de l porque se sepórun de l demales que seguiran l Pres. Brighan Young por acháren que l Profeta deberie ser de la lhinhaige direta de Joseph Smith Jr.), i la mudança de l nome de la eigreija. Ciertas mudanças nun fúrun bien aceitas por alguns nembros, i alguns cunserbadores ten fundado chamaçones que crénen stan mais próssimas de las fés tradicionales de l mobimiento.
Stória de la eigreija
[eiditar | eiditar código-fuonte]Ouriges
[eiditar | eiditar código-fuonte]![](http://178.128.105.246/cars-http-upload.wikimedia.org/wikipedia/commons/9/90/KirtlandTemple_Ohio_USA.jpg)
La Quemunidade de Cristo ten sue ourige ne l Mobimiento de l Santos de l Redadeiros Dies. Passado la muorte de l fundador Joseph Smith Jr. an 1844 l Mobimiento de l Santos de l Redadeiros Dies desorganizou-se i debediu-se an dibersas façones debido al fato de Joseph Smith nun tener eileito un sucessor, esse eipisódio quedou coincido cula crise na sucesson de l Mobimiento de l Santos de l Redadeiros Dies.
Brighan Young cunseguiu angariar l maior númaro de nembros i custituiu La Eigreija de Jasus Cristo de l Santos de l Redadeiros Dies. Outros grupos fúrun formados por dibersos outros nembros de l mobimiento cumo Sidney Rigdon, James J. Strang, Lyman Wight, Alpheus Cutler, Willian Smith, i Dabid Whitmer.
Muitos de l Santos de l Redadeiros Dies eilegírun l filho mais bielho de Joseph Smith, Joseph Smith III cumo sucessor de sou pai ne l comando de la Eigreija. Quando sou pai morriu, Joseph III cuntaba cun onze anhos de eidade, i sue mai Emma Hale Smith cun sue família permanecírun an Naubo.
Durante la década de 1850, ls Santos de l Meio-Oeste que nun habien se filiado la nanhue façon ó que habien abandonado alguas destas, ampeçórun a reunir-se. Sous lhíderes ancluian pessonas cumo Jason W. Briggs i Zenos H. Gurley, Sr., i ourganizórun un nuobo mobimiento l qual cumbidórun Joseph Smith III para dirigir, i este aceitou passado afirmar tener recebido ua cunfirmaçon spritual. Na Cunferéncia an Amboy, Eillinois an 6 de abril de 1860, Joseph III formalmente aceitou la lhiderança de la que serie reconhecida cumo la Eigreija Reorganizada de Jasus Cristo de l Santos de l Redadeiros Dies. Willian Marks, que serbiu cumo persidente de la staca de Naubo tornou-se cunselheiro de Joseph III na reorganizaçon de la Purmeira Persidéncia.
![](http://178.128.105.246/cars-http-upload.wikimedia.org/wikipedia/commons/9/91/JosephSmith3.jpg)
La Persidéncia de Joseph Smith III
[eiditar | eiditar código-fuonte]Ampeçalmente, Joseph III cuntinou a bibir an Naubo, mas mudou-se mais tarde para Praino, Eillinois adonde la amprensa de la eigreija staba stabelecida i serbiu cumo sede de la eigreija. Joseph III i sous armanos, Frederick G. W., Alexander Hale Smith, i Dabid Hyrun Smith serbiran an dibersas missones para la eigreija, reunindo dibersos adetos de l Santos de l Redadeiros Dies antigos.
Cul crecimento de la Eigreija, muitos nembros sentiran la necidade de reunir-se i bibir de acordo cun ls ansinamentos ouriginales de Joseph Smith Jr. Este deseio lhebou la fundaçon de la cidade de Lhamoni, Iowaen al oeste de Iowa. Smith III mudou-se para Lhamoni que tornou-se la sede de la Eigreija.
Durnate l final de l seclo XIX, Smith III i la Eigreija se biran an juízo debido als dreitos de propiadade de l Templo de Kirtland. An 1880 ua corte de Ohio determinou que la Eigreija Reorganizada era detentora lhegal de l dreitos.
Al final de sue bida, Smith III mudou-se para Andependence, Missouri, cidade que sou pai dedicou cumo l "lhugar central" para la cidade de Sion. Vino a falecer an 10 de dezembre de 1914. Modelo:Santos de l Redadeiros Dies
Doutrinas
[eiditar | eiditar código-fuonte]Ls Santos de la Quemunidade de Cristo ten sido chamados de "mórmons moderados" i l biógrafo de Joseph Smith III referiu-se la este cumo un "profeta pragmático". Sendo assi, ls Santos de la Quemunidade de Cristo ten sido cunsiderados por muitos cumo ua puonte antre ls Santos de Utah i l Cristandade an giral.
Al cuntrário de la tradiçon de Utah que defende ua dibindade de trés personaiges çtintos, ls Reorganizados son trinitaristas. Las práticas relatibas als Templos tamien son defrenciados: ls Templos de Kirtland i Andependece son lhocales de eiducaçon i adoraçon públicos i abiertos a todas las pessonas.
Sacramentos
[eiditar | eiditar código-fuonte]La Quemunidade de Cristo pratica uito sacramentos:
- Batismo
- Cunfirmaçon (Batismo de l Sprito Santo)
- Bénçon de las ninos
- Eucaristia
- Matrimónio
- Bénçon de l anfermos
- Ourdenaçon al Sacerdócio (stensibo tamien a las mulhieres de la Eigreija)
- Bénçon Patriarcal
Scrituras
[eiditar | eiditar código-fuonte]La Quemunidade de Cristo reconhece la Bíblia, l Libro de Mórmon i Doutrina i Cumbénios (nua berson defrente de la aceita pula Eigreija de Jasus Cristo de l Santos de l Redadeiros Dies) cumo scrituras anspiradas.
- Bíblia — Durante sue bida, Joseph Smith Jr. ampeçou ua rebison de la Berson de l Rei Jaime de las scrituras. Passado sue muorte ls manuscristos permancírun na família Smith i passórun la Quemunidade de Cristo. L trabalho fui publicado pula Quemunidade cumo la berson anspirada de la Bíblia, inda que tamien aceiten outras bersones modernas.
- Lhibro de Mórmon — La Quemunidade de Cristo publica dues bersones de l Lhibro de Mórmon: la Eidiçon Outorizada baseada ne l manuscrito ouriginal outilizado na purmeira eidiçon de l lhibro i la Segunda Eidiçon de 1837 rebisada por Joseph Smith Jr. Sou cunteúdo ye similar la berson tradicional de la Eigreija de Jasus Cristo de l Santos de l Redadeiros Dies mas cun bersificaçon defrente. Tamien publican ua Berson Outorizada Rebisada nun anglés mais moderno.
- Doutrinas i Cumbénios — Este lhibro cuntén las rebelaçones selecionadas i decumientos dadas percipalmente als Profetas-Persidentes i ratificadas pula Quemunidade. Difree cunsiderablemiente de la berson de la Eigreija de Jasus Cristo de l Santos de l Redadeiros Dies, pus cuntina agregando las rebelaçones cuntinamente dadas i supriran las seçones de Doutrina i Cumbénios que citan l Batismo an fabor de l Muortos, prática essa corrente de la Eigreija de Jasus Cristo de l Santos de l Redadeiros Dies.