Strausberg
Strausberg è na cità turesca d’’o Brandeburgo 'e 26.153 pperzone. È 'o centro cchiù gruosso, ma nunn'è o capoluoco, d’’o circondario Märkisch-Oderland.
Storia
[cagna | cagna surgente]'A cità fuje funnata a l'anno 1240 e 'int'ô 1333 avette o primmo munecipio. Attuorno 'o centro storico essa cunserva ancora 'e mmura e furtificazzione. Fin'a ll'anno 1993 fuje capeluoco d'o circondario 'e Strausberg (targa SRB), pe se fonne po' cu chille 'e Seelow (o nuovo capelouoco) e Bad Freienwalde.
Giugrafia
[cagna | cagna surgente]'A cità se trova cchiù o meno a 30 km 'a est 'e Berlino e stesso 30 (ovest), d'a fruntiera pulacca, fra Küstrin-Kietz e Kostrzyn. 'E commune vicini songo Altlandsberg, Oberbarnim, Buckow, Garzau-Garzin, Rehfelde, Rüdersdorf e Petershagen-Eggersdorf.
Strausberg s'allonga pe circa 7 km ind'a na direzzione nord-sud, luong'o tracciato d'a S-Bahn e a riva d'o lago Straussee.
'O commune conta 9 riune 3 frazzione. 'E riune cittadine songo: Fasanenpark, Gartenstadt, Hegermühle, Neue Mühle, Postbruch, Schillerhöhe, Strausberg Nord, Strausberg Stadt e Vorstadt. 'E frazzione songo: Gladowshöhe, Hohenstein e Ruhlsdorf.
Traspuorto
[cagna | cagna surgente]A sud d’’a città, 'int'ô quartiere Vorstadt (periferia), se trova 'a stazzione ferroviaria, ncopp'a linia Berlino-Kostrzyn. Da chesta stazzione parte nu ramo addò corre 'a metrò liggiera (S-Bahn) berlinese (linia S5), ca conta ati 3 stazzione: (Strausberg) Hegermühle, Strausberg Stadt e Strausberg Nord.
Sempe d’’a stazzione parte na linea 'e tram ca tuocca i fermate Landhausstraße, Schlagmühle, Stadtwald, Hegermühle, Wolfstal, Käthe-Kollwitz-Straße, Elisabethstraße e Lustgarten, n'faccia 'o centro storico.
Turismo
[cagna | cagna surgente]Strausberg è canusciuta comme "Die grüne Stadt am See" ('a cità verte ngopp'o lago), pecché se trova ammiezzo a zone 'e furesta. 'O lago cchiù gruosso, 'o Straussee, è na zona abbastanza frequentata comme spiaggia e addivide Strausberg d'a foresta chiammata Strausberger Wald. Nu traghetto 'e strengenomme Steffi aunisce 'e doje rive. Cchiuttosto canisciuto, è frequentato špisso da 'e berlinese.
Ati punti interessante songo l'Altstadt (centro storico ind'e mmura), 'a furesta orientale a 'o lato d'o lago Herrensee e, dopp'a Strausberger Wald, na frazzione piccerella chiammata Spitzmühle, ammiezz'e laghi d'o Bötzsee e d'o Fängersee. A nord d'o centro storico ce sta nu parco tematico culturale cu šculture r'arte moderna, n'faccia 'o lago, ca se chiamma Kulturpark.
Gallarìa
[cagna | cagna surgente]-
Panurama
-
Centro storico
-
'E mura antiche
-
Panurama cu 'o lago
Gemellagge
[cagna | cagna surgente]![](http://178.128.105.246/cars-http-upload.wikimedia.org/wikipedia/commons/thumb/c/c7/Strausberg_Jenseits_des_Sees.jpg/260px-Strausberg_Jenseits_des_Sees.jpg)
Ati gemellagge
[cagna | cagna surgente]Genta fammosa
[cagna | cagna surgente]- Andreas Angelus (1561-1598)
- Johannes Haw (1871-1949)
- Georg Kurtze (19??-1945)
- Gertrud Rossner (1903-1984)
- Sigmund Jähn (1937)
- Michael Gartenschläger (1944-1976)
Nutarelle
[cagna | cagna surgente]- ↑ "Difesa Federale", stanziamiento BW 'e Strausberg
Bibliografía
[cagna | cagna surgente]- Rolf Barthel, Michael Haddenhorst: Städte in Deutschland - Strausberg. Nicolaische Verlagsbuchhandlung, Beuermann GmbH, Berlino 1993 · ISBN 3-87584-483-1
Ate pruggette
[cagna | cagna surgente]Wikimedia Commons contiene fiùre o ate file ncopp"a Strausberg