Dweilorkest
![](http://178.128.105.246/cars-http-upload.wikimedia.org/wikipedia/commons/thumb/4/4c/Zwolle_9_Juni_2007_-_2.jpg/220px-Zwolle_9_Juni_2007_-_2.jpg)
n Dweilorkest, dweilband, plezeerkapel (en alle meugelike saamntrekkings van disse naamns) is n groepken muzikaantn wat besteet oet bloazers en slagwoarkers. In Neerlaand he'j n hoop van dit soort orkestn, in alle soortn en moatn. Duur mekoar besteet t bloaswoark van n dweilorkest oet trompetn, skoeftrompetn, saksofoons, baritons/eufoniums en sousafoons. t Slagwoark besteet oet ne kleaine tromme, grote tromme en bekns. Vake wordt doar dan nog kleaine soortn slagwoark en haandperkussie bie edoan. Mear dr beent völle variasies meugelik op disse standaard bezetting. Vake is ne plezeerkapel oonderdeel van ne kernavalsverenige of ne oawerkoepelende muziekverenige, mear dit hooft vanzelf neet. Ze köant ook lös bestoan. Vake beent dit soort kapeln wal wat prieziger um in te huurn, umdet t bestoan dr dan vanof haank.
Muziek
[bewark | bronkode bewarken]De muziek wat ze spölt beent van ooldsher bekeande Kernavalsnommers, mer umdet dr de leste joarn weainig karnavalsnommers mear emaakt wordt, of bekeand wordt, goat völle kapeln oawer op bewoarkings van wearldhits. n Noadruk lig bie de meeste kapeln mear op de gezelligheaid as op de muziek. De muziekkeuze kan van alns wal wean. Van Duutse Schlagers tot polkaas, tot top 40-meziek.
Eankele bekeande nommers dee't iedere kapel al n moal of wat espölt hef, of nog aalt spölt, beent:
- Rosamunde
- Kleine Café aan de Haven
- Slavenkoor
- Sweet Caroline
- Sheng oan de Geng
Wieter wördt hier dan nog vake regionaal bekeande nommers biej edoan.
In Neerlaand wordt ook völle kapelnfestivals (dweildaage) eheuldn. De bekeandste hiervan beent in Grolle, Oldnzel en Bemmel.
Naamn
[bewark | bronkode bewarken]t Woord "dweil" keump van t Hollaandse "dweilen", wat "doelloos/dikke oawer stroate bungeln" beteeknt. In Broabaant en Limbörg is t gewoonte um met Kernaval van kafee noar kafee te "dweiln". In 1959 leup dr in Mestricht n groepken mezikaantn met zonnen dweil met. Dee neumdn zik 'n Zate Hermenie. Det bevöl good en t gebroek verspreaidn zik oawer heel Limbörg, en geleaidelik oawer heel Neerlaand. Dr wordt vaake dacht det n naamn keump van de dweilpauzes gedoernde skaatswedstriedn, umdet dan vake n dweilorkest t publiek vermaakt, mear det hef dr niks met van doon.
Orkestnantal/statistiek
[bewark | bronkode bewarken]Neerlaand hef nen bestn hoop plezeerkapeln: 1517 duur t hele laand. Det is gemiddeld 126 kapeln pèr proveensie. Noord-Broabaant stekt dr met kop en skoolders boawn oet met 814 kapeln. Doarnoa keump Limbörg met 236 bands. n Proveensie met de minste kapeln is Flevolaand: 1 kapel.
Provincie | Friesland | Grönning | Drenthe | Oaveriessel | Gelderlaand | Noord-Hollaand | Zuud-Hollaand | Flevolaand | Utrecht | Noord-Broabaant | Limbörg | Zeeland |
---|---|---|---|---|---|---|---|---|---|---|---|---|
Inwoners | 643.000 | 574.000 | 482.000 | 1.106.000 | 1.967.000 | 2.587.000 | 3.452.000 | 360.000 | 1.162.000 | 2.407.000 | 1.139.000 | 379.000 |
Dweilorkesten | 13 | 10 | 94 | 96 | 127 | 45 | 96 | 1 | 39 | 814 | 236 | 33 |
% Dweilorkesten | 0,9% | 0,7% | 6,2% | 6,3% | 8,4% | 2,9% | 6,3% | -0,1% | 2,6% | 53,7% | 15,6% | 2,2% |
Ratio inwoners t.o.v. dweilorkesten | 3,9% vs. 0,9% |
3,5% vs. 0,7% |
2,9% vs. 6,2% |
6,8% vs. 6,3% |
12,1% vs. 8,4% |
15,9% vs. 2,9% |
21,2% vs. 6,3% |
2,2% vs. -0,1% |
7,1% vs. 2,6% |
14,8% vs. 53,7% |
7,0% vs. 15,6% |
2,3% vs. 2,2% |
Gemiddeld bestoat kapeln oet ongevear 18 man. Det beteeknt neet det dee allemoal meziek maakt, mear ze stoat wal op naamn van de kapel. Dr beent n antal onmeundig grote kapeln dee't met öar spöllersantal boawn de 20 komt, en ook kapeln van meender as 10 man. Duur de boot enömn kom iej dan op 27.300 leu dee't in n kapel spölt.
Trivia
[bewark | bronkode bewarken]Oet n stel vroagn van ne plezeerkapelnwebstea is n antal resultoatn noar vuurtn ekömn:
- Bassistn en trombonistn köant vake t meeste beer dreenkn.
- t Heuwd van n kapel is meestal nen trompettist, doarna nen saxofonist, en dan nen trombonist. Hoaste nooit slagwoarkers, umdet dee vake gin toonheugtes leazn köant, woerduur ze t zwoar hebt met dirigeern en nommers skriewn.
- Völle orkestn zeet öare grote tromspöller en bassist as t gezichte van de kapel, met doarnoa t hele slagwoark.
- t Meest kenmoarknde instrumeant van n dweilorkest is volgens iederene de trombone.
- Dr beent mear kearls as vrouwleu biej n plezeerorkest.
- Ongevear alle bassistn en trombonistn beent kearls, de meeste hooltbloazers beent vrouwe.
- De meeste vrouwleu dee't gin hooltinstremeant bespölt, spölt bariton of trompet.
Bekeande kapeln
[bewark | bronkode bewarken]Eankele oosterse kapeln:
- Hengeler Weendbloazers oet Hengel
- De Niksnött'n oet Hengel
- Jigger Bigger Band oet Eanske
- Herriemakers oet Wierdn
- Dwarsliggers oet Eanter
- Kamgoarn Klösse oet Riesn
- De Wilhelmientjes oet Riesn
- Helderse Klepperbloazers oet Heldern
- Trottoirband oet Nijverdal
- De Draodnaegel oet Lonneker
- Olnzelse Kopperbloazers oet Oldnzel
- Hijskraan oet Oldnzel
- De Blaanke Bössels oet Oldnzel
Oetgoande verbeendege
[bewark | bronkode bewarken]![]() |
Commons: Dweilorkest - plaatjes, filmkes en/of gelüüdsbestanden. |