Maarkel
Maarkel | ||||
Doarp in Nederlaand ![]() | ||||
![]() |
![]() | |||
(Vlagge van Maarkel) | (Wapen van Maarkel) | |||
Bestuur | ||||
Provinsie | ![]() | |||
Gemeente | Hof van Tweante | |||
Geografie en bevolking | ||||
Inwonners |
7595 (2012) | |||
Koordinaten | 52° 14′ N, 6° 30′ O
Koördinaoten: 52° 14′ N, 6° 30′ O | |||
Aoverig | ||||
Netnummer | 0547 | |||
Postkode | 7475 | |||
Offisiële webstae | ||||
www.hofvantwente.nl |
![](http://178.128.105.246/cars-http-upload.wikimedia.org/wikipedia/commons/thumb/e/ed/Het_Beaufort_Markelo.jpg/300px-Het_Beaufort_Markelo.jpg)
Maarkel (Hollaands: Markelo) is n doarp in de gemeante Hof van Tweante. Tot 2001 was Maarkel zelf ne gemeante. In 2012 har et ongevear 7500 inwonners.
n Naamn Markelo keump van loo wat "bos" beteeknt, en marke wat "greanze" beteeknt.[1]
Umgewing
[bewark | bronkode bewarken]![](http://178.128.105.246/cars-http-upload.wikimedia.org/wikipedia/commons/thumb/4/45/Televisietoren_van_Markelo.jpg/200px-Televisietoren_van_Markelo.jpg)
Op t Westn lig de Maarkelsenboarg, den at op n top t Oaweriessels Verzetsmunumeant 1940-1945 hef.
Op ongevear 5 kilometer op t Westn van t doarp steet ne 156 meter hoge tellevisietoorn. Hiervan steet n skaalmodel in Madurodam in n Haag. In 2007 is-e in ekortt noa at t analoge tellevisiesignaal oet de loch is ehaald.
Geskiedenisse
[bewark | bronkode bewarken]In de middeleewn was Maarkel t heuwd van t karspel Maarkel (koarkgemeante). In 1224 wör Deepn ne gemeante op zikzelf. Vuur n opkomst van t protestantisme, wat in Maarkel duur de adel an t volk wör op edrungn.
Tot t midln van t 17e joarhonderd wördn beevoartn noar Maarkel organiseert, terwiel at det verböadn was duur de regerige. In de parochiekoarke van Maarkel hadn ze n woonderreliek van t Healige Blood. Later stopn de regerige dit duur de kapeln dichte te messeln of of te brekn.
Seend t 15e joarhonderd beheurdn Maarkel tot t richteramt Kedingen. In 1811 wör t Karspel Maarkel, met boerskop Karspel Goor en stad Goor, saamn edoan tot Gemeante Goor. Op 1 juni 1818 wör Maarkel zelfstaandig en in 2001 gung t op in de gemeante Hof van Tweante. Tot Maarkel beheurdn de boerskopn Ealsen, Ealsenebrook, Herike, Stokkum, Maarkelsebrook, Karspel Goor, Pothook en Achterhook.
Geleuf
[bewark | bronkode bewarken]De Maarkelsen beent meestieds behooldnd protestaants. in t midln van t doarp steet de Marinuskoarke, ook wal gewoon Neerlaands-Hervörmde Koarke neumd. In de middeleewn was Maarkel Roomsk, en de oolde Roomske koarke har n rellikwie van t Heailige Blood. Vanoet heel Neerlaand wördn beevoartstochten noar Maarkel emaakt.
Bekeande Maarkelsen
[bewark | bronkode bewarken]- Wijnand Duijvendak (30 november 1957), geboorn in Maarkel en Neerlaands politicus
- Gert-Jan Oplaat (22 november 1964), is geboorn in Maarkel en Neerlaands politicus
- Johan Nijenhuis (4 maart 1968), geboorn in Maarkel en Neerlaands filmregisseur
- Erik Wevers (24 maart 1970), op egröaid en wont in Maarkel, is Neerlaands Rallycoureur en teameigenaar
- Jeroen Biegstraaten (25 juli 1973), geboorn in Maarkel en Neerlaands akteur
- Bakermat (8 oktober 1991), geboorn in Maarkel en Neerlaands DJ en musikproducent
- Gerard Bakker, Elvis Bode in Van Jonge Leu en Oale Groond
Rifferenties
[bewark | bronkode bewarken]- ↑ Groenedijk, T. (2000), Nederlandse plaatsnamen, 't Ogeveine: Slingenberg Boekproducties, ISBN 90-76113-815
Oetgoande verbeendige
[bewark | bronkode bewarken]- Kaarte van gemeante Maarkel in 1868 op www.atlas1868.nl
![]() | Plaatsn in de gemeente Hof van Tweante | ![]() | ||||||
---|---|---|---|---|---|---|---|---|
Oaveriessel · Steden en dörpen in Oaveriessel Nederlaand · Previncies · Gemientes |