Marimba
![](http://178.128.105.246/cars-http-upload.wikimedia.org/wikipedia/commons/thumb/e/e9/Marimba-Antonko-AMC12.jpg/300px-Marimba-Antonko-AMC12.jpg)
Ne marimba (ook vuur de wille mangs tingeldeenk eneumd) is n muziekinstrumeant wat vaalt oonder t melodies slagwoark, de zo eneumde idiofonen. Ne marimba lik völle op ne xylofoon en wörd doarmet nog wal vake duur mekoar ehaald.
Ne marimba besteet oet n rek met doarop heultene pleanks. De alterasiepleanks lignt iets heuger as de aandere pleanks, um te zorgen det n spöller ze better kan zeen en raken. De pleanks zeent op toonheugte estemd; wo länger de pleanks, des te leger n toon. Ze wordt estemd duur an de eunterkaante t pleanken oet te hollen, woerduur t geluud leger wörd. Wo dikker t pleanken, des te heuger t geluud. Oonder de pleanks zitt metaalne kökkers dee t geluud verstoarkt en woervan at de leegste hoaste töt an de groond komt. In spesjale oetvoerings van de marimba (met n groot bereik) mut dee zelfs eböagen worden um nit an de groond te kommen.
Ne marimba wörd bespöld duur met spesjale stökke met köppe van velt, goaren of koord op de pleanks te houwen. Doarbie kan n spöller der vuur kiezen um net iets oet t middeln van de pleanks te houwen vuur n woarm geluud, of juust mear noar de böawenkaante vuur n gedeampt geluud.
n Hudigen vorm van t deenk wör geleaidelik oontwörpen duur Japanezen, Duutsers en Amerikanen, oet de tradisjonele Mexikaanse en Guatemalese marimba, den at doar op zin buurt wier was met ekömmen met Afrikaanse slawen.
Bekeande moarken
[bewark | bronkode bewarken]Bekeande marimbamoarken zeent oonder mear:
- Yamaha
- Adams
![]() |
Commons: Marimba - plaatjes, filmkes en/of gelüüdsbestanden. |