Skoolderbas
![](http://178.128.105.246/cars-http-upload.wikimedia.org/wikipedia/nds-nl/thumb/3/30/Contrabugle.jpg/200px-Contrabugle.jpg)
n Skoolderbas (offisjeeln naamn: Contrabasbugel, meesttieds of-ekortt tot contra) is t zwoarst-estemde instrumeant oet de bloazersgroep van drum & bugle corps. t Is n teegnhänger van de sousafoon oet showbands, en is nen spesjaal an-epasten tuba.
t grote verskil met normale tubaas is det t deenk op n skoolder edreagn wörd. Dit hef as gevolg det skoolderbasspöllers vake de gewone heuwddeksels nit op köant. Doarumme dreagnt ze vake nen baret, ne pette, of egeet nit wat. Hierduur hebt ze ne biezeundere stoatus in t korps.
Geskiedenisse
[bewark | bronkode bewarken]t Deenk is bedacht duur Whaley Royce, nen Kannadesen instrumeantbouwer, den at völle bugels vuur korpsn oet dee tied bouwdn. Disse deers warn estemd in GG, woerduur at ze toertieds de grötste basinstrumeantn warn, op de onmeundige EEb- en BBBb-concerttubaas in wat orkestn noa.
Later wördn ze ook in BBb en C emaakt vuur korpsn dee at ook det "doonkerder" geluud woln hebn. In de joarn noa 2000 beent de meeste korpsn oawer egoan op Bb-stemming, en doarduur beent disse skoolderbasn rechtevoort mear in gebroek eraakt as de G-basn.
De skoolderbasn van vroger steundn bekeand as logge, zwoare deers, mear de leste tied hebt instrumeantbouwers völle verskeaidene materiaaln oetprobeerd, en doarduur beent ze rechtevoort wat lechter en better met te dreagn.
Zeet ook
[bewark | bronkode bewarken]Oetgoande koppeling
[bewark | bronkode bewarken]Video van nen skoolderbas bespöld in n orkest: