Chandrasekhara Venkata Raman
![](http://178.128.105.246/cars-http-upload.wikimedia.org/wikipedia/commons/thumb/4/43/Richard_B%C3%A4r_mit_C._V._Raman_13.5.2010.jpg/220px-Richard_B%C3%A4r_mit_C._V._Raman_13.5.2010.jpg)
Sir Chandrasekhara Venkata Raman; (tamilisch: ச. வெ. இராமன்); [[ˈrɑːmən] faken ok blots kört C.V. Raman; * 7. November 1888 in Tiruchirappalli; † 21. November 1970 in Bangalore) weer en indischen Physiker, de 1930 mit den Nobelpries för Physik uttekent wurrn is.
Leven
[ännern | Bornkood ännern]C. V. Raman wurr an’n 7. November 1888 as Söhn vun en Mathematik- un Physikdozenten in Tiruchirappalli (Trichinopoly) in Südindien boren. He hett af 1902 dat Presidency College in Chennai (Madras) besöcht, wo he 1904 sien B.A. un 1907 den M.A. kreeg. Wiel to disse Tiet ungünstige Vörutsetten för en akademische Karriere vörhannen weern, nehm he en Stäe bi dat indisch Finanzministerium an – he funn aber Mögelkeiten, in sien wenig Freetiet sien experimentelle Forschung in dat Laboratorium vun de indisch Sellschopp to de Förderung vun de Wetenschapen in Kalkutta (Kolkata) fort tosetten. 1917 wurr hüm de nee schafft Palit Chair för Physik an de University of Calcutta anboden, den he annehmen dee. He is 1933 as Perfesser an dat indische Institut vun de Wetenschapen in Bangalore wesselt un weer nah 1948 Direkter vun dat Raman-Institut för Forschung, dat he sülvst upbaut un betrüet hett.
Raman hett 1926 dat Indian Journal of Physics negrünnd un hett den Upbau vun en indisch Akademie vun de Wetenschapen fördert, de he as Grünnenspräsident vörstahn is.
Raman is an’n 21. November 1970 in Bangalore storven. Sien Neffe Subrahmanyan Chandrasekhar wurr 1983 mit den Nobelpreis för Physik uttekent. An sien Institut hemm tietwies ok S. Pancharatnam un Sivaramakrishna Chandrasekhar arbeit, de ok mit hüm verwandt sünd.
Wark
[ännern | Bornkood ännern]Raman is bör allen bekannt för de experimentelle Opdecken vun de Ramanstreen (inelastische Streen vun dat Lucht, de elastische Streen wurrd as Rayleigh-Streen betekent). Dat dorut afleit Verfohren vun de Ramanspektroskopie is en vun de wichtigsten Ünnersökensmethdoden vun de Molekül- un Fastkörperphysik bzw. en wichtige Methood vun de Materialcharakterisierung. Wiedere Forschungsarbeiten bedrapen de Modelleeren vun de Viskosität vun Fleetigkeiten.[1]
Utteknungen (Utwahl)
[ännern | Bornkood ännern]- 1929 Ridderslag
- 1930 Nobelpries för Physik „für seine Arbeiten über die Diffusion des Lichtes und die Entdeckung des nach ihm benannten Effekts“
- 1930 Hughes-Medaille
- 1954 Bharat Ratna, hööchste ziviler Verdeenstorden vun Indien
- 1957 Lenin-Freedenspries
- 1976 wurr de Maandkrater Raman nah hüm nömmt.
- 2003 wurr de Asteroid (55753) Raman nah hüm nömmt.[2]
Weblinks
[ännern | Bornkood ännern]![](http://178.128.105.246/cars-http-upload.wikimedia.org/wikipedia/commons/thumb/4/4a/Commons-logo.svg/20px-Commons-logo.svg.png)
Enkeld Nahwiesen
[ännern | Bornkood ännern]- ↑ C. V. Raman: A Theory of the viscosity of liquids. In: Nature 111, S. 532–533, London 1923 (PDF; 127 kB)
- ↑ Minor Planet Circ. 49284