Emil Hegle Svendsen
![](http://178.128.105.246/cars-http-upload.wikimedia.org/wikipedia/commons/thumb/7/7a/2018-01-05_IBU_Biathlon_World_Cup_Oberhof_2018_-_Sprint_Men_37.jpg/220px-2018-01-05_IBU_Biathlon_World_Cup_Oberhof_2018_-_Sprint_Men_37.jpg)
Emil Hegle Svendsen (* 12. Juli 1985 in Trondheim) is en ehmalger norweegsch Biathlet, de ok Olympiasieger in disse Sportaart wurr.
Karriere
[ännern | Bornkood ännern]![](http://178.128.105.246/cars-http-upload.wikimedia.org/wikipedia/commons/thumb/4/4d/Emil_Hegle_Svendsen_Kontiolahti_2010.jpg/220px-Emil_Hegle_Svendsen_Kontiolahti_2010.jpg)
He hett all tosommen veer Junioren-Weltmeestertitel (2004 in Haute-Maurienne in de Verfolgung un in dat Staffelrennen as ok 2005 in Kontiolahti in dat Eenzelrennen un in' Sprint) wunnen.
Anfänge in' Biathlon-Weltcup
[ännern | Bornkood ännern]In de Saison 2005/06 hett he eerstmals an Weltcup-Rennen deelnommen un kunn dorbi as best Platzeeren dree fievte Plätze recken, twee dorvan jewiels in' Sprint över 10 km in Brezno-Osrblie un Ruhpolding as ok een in dat 15-km-Massenstartrennen an' Holmenkollen in Oslo. Sien eerste Weltcup-Saison, in de he an 12 vun de 26 utdragen Eenzelwettkämpe deelnommen harr, hett Svendsen as 22. vun de Weltcup-Gesamtwertung afslooten. Bi de Olympisch Winterspelen 2006 in Turin wurr he för dat 15-km-Massenstartrennen in San Sicario upstellt, dat he unverwacht up Platz 6 afsluuten dee.
Eerste Podestplätze un eerste WM-Medaillen
[ännern | Bornkood ännern]In de Saison 2006/07 reck he mit den tweeten Platz bi den Massenstart in Ruhpolding as ok twee darte Plätze in den Sprints vun Ruhpolding un Pokljuka sien eerste Podestplatzeeren.
Bi de Biathlon-Weltmeesterschapen 2007 in Antholz wunn he mit Bronze in de Mixed-Staffel sien eerste Medaille bi de Senioren. An' 13. Dezember 2007 gelung Svendsen in dat 20-km-Eenzelrennen vun Pokljuka sien eerst Sieg in en Weltcup-Rennen. Bi de Biathlon-Weltmeesterschapen 2008 in dat sweedsch Östersund wurr he Weltmeester in dat Eenzelrennen (vör Ole Einar Bjørndalen un Maxim Maximow) as ok in' Massenstart (vör Ole Einar Bjørndalen un Maxim Tschudow) un wunn todem mit de norweegsch Staffel de Sülvermedaille. In de Weltcup-Gesamtwertung weer sien bit dorhen best Ergevnisse twee darte Plätze, de he in de Saison 2007/08 achter sien Landsmann Ole Einar Bjørndalen un den Russen Dmitri Jaroschenko un 2008/09 achter Bjørndalen un den Polen Tomasz Sikora belegg.
Düppelolympiasieg un Weltcupgesamtsieg 2009/10
[ännern | Bornkood ännern]In den Olympiawinter 2009/10 is Svendsen mit en Sieg in dat Eenzelrennen vun Östersund start un övernehm dat Geel Trikot vun den Gesamtweltcupführenden. Twee Daag later wurr he achter Bjørndalen Tweet in' Sprint. In den Verloop vun de Saison wunn he de Verfolgung in Hochfilzen, den Sprint un den Massenstart in Oberhof.
Bi de Olympisch Winterspelen 2010 in Vancouver wunn he achter den Franzosen Vincent Jay de Sülvermedaille in' Sprint över 10 km. Bi dat ansluuten Verfolgungsrennen över 12,5 km belegg he den achten Platz. Den to dissen Tietpunkt gröttsten Erfolg in sien Karriere fier Emil Hegle Svendsen, as he vör Ole Einar Bjørndalen un Sjarhej Nowikau, de sück de Sülvermedaille deelen deen, de Goldmedaille in dat Eenzel över 20 km wunn. Tosommen mit sien Kollegen Bjørndalen, Halvard Hanevold un Tarjei Bø wunn he ok de Staffel bi de Mannlüüd, womit he denn Düppelolympiasieger wurrn. An dat Enn' vun de Saison harr he todem ok noch den Gesamtweltcup wunnen.
De nah-olympische Saison 2010/2011
[ännern | Bornkood ännern]In de nee Saison 2010/11 fung he – as ok all in dat Johr tovör - mit en Sie in dat Eenzel vun Östersund an. Ok den Sprint wunn er, in de Verfolgung keem he up den tweeten Platz. Dornah keem he aber en Tiet lang nich up Podestplätze un verlor de Führung in' Gesamtweltcup an sien jung Landsmann Tarjei Bø. Mit en tweeten Platz in' Massenstart vun Oberhof un en Sieg in dat Eenzelrennen vun Ruhpolding mell he sück in den Kamp um den Gesamtweltcup torüch. In' Sprint un in de Verfolgung vun Fort Kent wunn he ok. Bi de Biathlon-Weltmeesterschapen 2011 in Chanty-Mansijsk wunn he Sülver in de Verfolgung, as ok Gold in' Massenstart (vör Jewgeni Romanowitsch Ustjugow un Lukas Hofer) un mit de Staffel. to dat Enn vun de Saison wunn he noch de Verfolgung un den Massenstart bi sien Heimrennen in Oslo, verlor aber den Kampf um den Gesamtweltcup um fiev Punkte gegen Bø. Somit wurr he tweet vör den Franzosen Martin Fourcade, de sück in de nu folgen Johre as sien hartste Konkurrent entwickeln dee.
Weltcup 2011/2012
[ännern | Bornkood ännern]Die Saison 2011/12 fung för hüm mit twee Podestplätzen in Östersund an. In den wiederen Verloop vun den WM-Winter wunn he de Verfolgung in Hochfilzen, den Sprint in Nové Město na Moravě, as in dat Vörjohr den Massenstart vun Oslo un da Afslussrennen, den Massenstart in Chanty-Mansijsk. Bi de Weltmeesterschapen in Ruhpolding wunn he Sülver in' Silber in' Sprint un weer Gold in de Staffel, verlor aber den Titel in' Massenstart an Fourcade. Vör allen to dat Enn' vun de Saison harr Svendsen meest kien Chance mehr gegen den Franzosen un so wuur he weer Gesamt-Tweet in' Weltcup vör de beid Düütschen Andreas Birnbacher un Arnd Peiffer.
Triumph bi de WM in Nové Město na Moravě
[ännern | Bornkood ännern]Ok in de Saison 2012/2013 wies Svendsen dörgahnd Leistungen up hooch Niveau. Allerdings kunn he bit up de Verfolgung in Pokljuka bit to de Weltmeesterschap in disse Saison kien Weltcup-Rennen winnen un stunn in' Schadden vun Martin Fourcade, de as Topfavorit to'n Saisonhööchtpunkt Nové Město na Moravě reis. Dor dreih Svendsen aber den Spieß um un leet Fourcade sowohl in' Sprint- as ok in dat Verfolgungsrennen knapp achter sück. Ok in de beid Staffelwettbewarfen kunn he en Goldmedaille winnen. Nahdem he dat Eenzelrennen över 20 km krankheitsbedingt verpassen dee, gelung hüm mit Bronze in den afsluuten Massenstartwettbewarf de Gewinn vun de fievte Medaille bi disse WM. Dormit weer he ok de spoodriekste Biathlet bi disse Weltmeesterschapen. Den Gesamweltcup in disse Saison wunn allerdings Fourcade, wiel Svendsen ok eenige Rennen nah de WM verpassen dee.
Düppelolympiasieg 2014
[ännern | Bornkood ännern]Nahdem de eersten Rennen vun de Saison 2013/14 ehrder nich so good leepen, kunn he in den wiederen Saisonverloop aber eenige Weltcuprennen up sien Naam schrieven. Ut taktisch Grünnen hett he aber ok eenig Rennen in' Henblick up de anstahn Olympisch Winterspelen in Sotschi ut, um bi den Saisonhööchtpunkt ok sien Hööchstleistung afropen to können. De eerst olympisch Rennen verleepen aber ehrder nich nah Plaan. Eerst in dat letzt Eenzelrennen, den Massenstart, kunn he in' Teelsprint vör sien düersam Kontrahenten Fourcade winnen. In den eerstmals bi disse Spelen utdragen Mixed-Wettbewarf wunn Svendsen tosommen mit Tora Berger, Tiril Eckhoff un Bjørndalen sien tweete Goldmedaille un kunn somit sien Düppeltriumph vun Vancouver 2010 wedderhalen. Den verwachten Olympiasieg in de Staffel vun de Mannlüüd hett Svendsen bi dat letzte Scheeten ut de Hand geven, de norweegsch Mannschap keem blots up Platz veer rin. In den Gesamtweltcup leeg Svendsen to'n veerten Mal in Reeg an' Enn' up Platz 2.
Övergangsjohr 2014/2015
[ännern | Bornkood ännern]De Weltcup-Saison 2014/2015 fung för Svendsen in Östersund stark an. Nah en Sieg un en wiederen Platz up dat Podest övernehm Svendsen tonächst dat Geel Trikot vun den Gesamtführenden, dat he in' Loop vun de Saison aber nah swaaker Resulaten weer an Martin Fourcade afgeven muss. He full immer wieder torüch un weer an' Enn' nich mal mehr de best Norweger in' Weltcup, nahdem de junge Johannes Thingnes Bø weer stark rutkommen weer.
Ok bit de in dit Johr anstahn Weltmeesterschapen in Kontiolahti gull he eerstmals nich as Favorit. So hett man in de Mixed-Staffel ok leefer de Bø-Bröers upstellt. Ok in Sprint un Verfolgung keem he nich up dat Podest. Eerst in dat Eenzelrennen reck de Norweger mit en fehlerfree Scheetleistung sien best Eenzelleisitung un wunn achter Martin Fourcade Sülver. Tosommen mit Johannes un Tarjei Bø as ok Bjørndalen wunn he in de Staffel achter Düütschland noch en Sülvermedaille. Dat weer de eerste WM siet 2008, de Svendsen ahn Titel afsluuten dee.
Saison 2015/16
[ännern | Bornkood ännern]Ok in disse Saison leep dat mit den Gesamtweltcup nich good för hüm. He reck nich een Sieg, sein best Platzeeren weer Platz 2 in den Massenstart vun Pokljuka. Dorto keem he blots noch tweemal up dat Podest und harr ok eenig Rennen utsett. An' Enn sprung nich mehr as Platz 10 herut. Bi de Biathlon-Weltmeesterschapen to Huus in Oslo reck he de Bronzemedaille in der Verfolgung un mit de Staffel de Goldmedaille
Bilanz
[ännern | Bornkood ännern]Mit sien Spood bi de Weltmeesterschap in Nové Město 2013 steeg Svendsen to'n spoodrieksten Biathleten bi Weltmeesterschapen achter Ole Einar Bjørndalen un later ok Martin Fourcade up. Todem wunn Svendsen up all Eenzelstrecken un beid Staffelwettbewarfen jewiels mindestens een WM-Titel. Dat hett neben hüm blots noch Ole Einar Bjørndalen schafft. Sien Konstanz speegelt sück besünners in de Ergevnisse vun den Gesamtweltcup weer. He wunn den Weltcup woll eerst eenmal, leeg aber an dat Enn' vun de Saison in de Johren vun 2007/2008 bit 2013/2014 immer tominst up Rang dree. Mit sien aktuell 37 Weltcupsiegen liggt he in de ewigen Bestenlist achter Bjørndalen, Raphaël Poirée un Martin Fourcade up Rang veer.
Sonstiges
[ännern | Bornkood ännern]2012 kreeg Emil Hegle Svendsen gemeensam mit Magdalena Neuner de Holmenkollen-Medaille. Emil Svendsen is nich verwandt mit de etwa glieköllerich norweegsch Biathletin Julie Bonnevie-Svendsen.
Wat he schafft hett
[ännern | Bornkood ännern]Olympisch Winterspelen
[ännern | Bornkood ännern]- Turin 2006: 6. Massenstart
- Vancouver 2010: 1. Eenzel, 1. Staffel, 2. Sprint, 8. Verfolgung, 13. Massenstart
- Sotschi 2014: 1. Massenstart, 1. Mixed-Staffel, 4. Staffel, 7. Verfolgung, 7. Eenzel, 9. Sprint
Weltmeesterschapen
[ännern | Bornkood ännern]- Antholz 2007: 3. Mixed-Staffel, 5. Verfolgung, 7. Sprint
- Östersund 2008: 1. Massenstart, 1. Eenzel, 2. Staffel, 8. Mixed-Staffel, 12. Sprint, 12. Verfolgung
- Pyeongchang 2009: 1. Staffel
- Mixed-Staffel-WM Chanty-Mansijsk 2010: 2. Mixed-Staffel
- Chanty-Mansijsk 2011: 1. Massenstart, 1. Staffel, 2. Verfolgung, 4. Eenzel, 5. Sprint
- Ruhpolding 2012: 1. Staffel, 1. Mixed-Staffel, 2. Sprint, 5. Verfolgung, 8. Eenzel, 18. Massenstart
- Nove Mesto 2013: 1. Sprint, 1. Verfolgung, 1. Staffel, 1. Mixed-Staffel, 3. Massenstart
- Kontiolahti 2015: 2. Eenzel, 2. Staffel, 15. Massenstart, 19. Verfolgung, 36. Sprint
Weblenken
[ännern | Bornkood ännern]![](http://178.128.105.246/cars-http-upload.wikimedia.org/wikipedia/commons/thumb/4/4a/Commons-logo.svg/20px-Commons-logo.svg.png)