Fechtsport
![](http://178.128.105.246/cars-http-upload.wikimedia.org/wikipedia/commons/thumb/c/c6/050907-M-7747B-002-Judo.jpg/170px-050907-M-7747B-002-Judo.jpg)
![](http://178.128.105.246/cars-http-upload.wikimedia.org/wikipedia/commons/thumb/6/65/Armedforces_boxing.jpg/170px-Armedforces_boxing.jpg)
Fechtsport (ingelsch combat sports) of Kampfsport (ook Kampsport) is een Sport, wor dat Winnen tegen een Gegner dat Teel is. Fuchten warrt mit Wapens or sünner Wapens. Bi’t Fechten sünner Wapens blifft dat Lief dat Wapen sülvst. Kämpft warrt mit Slagen, Stoten un Trappen, mit Wrösteln un Wrangeln of mit Luken un Trecken. Hüdigendaags is dat Överwinnen över de Gegenfechter bloots symbolsch. Fast Regeln un Equipment schütt Sportslüüd tegen een Besehren.
Fechtsport un Sülfdefenz
[ännern | Bornkood ännern]Dat Ünnerscheed tüschen Fechtsporten un Sülfdefenz is faken nicht kloor un kant, man mehrsttieds bloots vaag[1]. Up Fechtsport kann upkeken warren as een Form van Sülfdefenz, wor een sportiv Element een wichtig Rull spelt of, van een anner Perspektiv heruut, kann dor up keken warren as een Sport, wor en Element van Kampf binnen is.
Soorten van Fechtsport
[ännern | Bornkood ännern]Dor is een heel Barg van verschillig un ungliek Fechtsporten. Dat Teel, de Gegner to besiegen, warrt dör verschieden Techniken (Grepen, Stööt etc.) raakt. Jed Sport hett een System, för weck Techniken Punten geven warrt.
Bi Wapensporten versöökt, de Sportlers mit dat Wapen up verlööft Kontakt-Flääch to raken. De Wapens sünd stuuf. De Sportlers sünd dör Equipment beschirmt. Bispelen sünd Kendo of Naginata.
Bi Stootsporten soas Boxen, Karate un Savate warrt versöcht mit Stööt, Slääch un Kicks up de verlööft Kontakt-Flääch to raken. Dat kann in Fullkontakt, in Semikontakt of Lichtkontakt gebören. Winnen deit een vörtiedig dör k. o. (bi Fullkontakt) or wenn de Gegenfechter upgifft or an’t Enn van de bedungen Tied dör Punten.
Bi Wröstelsporten warrt wrangelt. Een versöcht Macht to kriegen över sien Gegenfechter. För verschillen Techniken (to'n Bispill Klemmen, Gripen, Goien) warrt Punten geven. Bispelen sünd Wrösteln, Judo of Sambo.
Luk- und Trecksporten sünd mehr an de Brink van Fechtsporten. Dat is hüüdtodaags mehr Spoß as Sport. Bispill is Tautrecken.
Lestto sünd dor Fechtsporten, wor all Sorten van Techniken mingelt un mixt warrt. Bispelen sünd Mixed Martial Arts (up Platt soveel as "Mingt Gefechtskunsten") of JiuJitsu.
Inkelt Nahwiesen
[ännern | Bornkood ännern]- ↑ Ralf Pfeifer: Mechanik und Struktur der Kampfsportarten - Handbuch für Trainer in Kampfsport und Kampfkunst (Dissertation an der Deutschen Sporthochschule Köln), ISBN 3-939390-03-8 [1]
Weblinken
[ännern | Bornkood ännern]- Dojoguide Plattform für die intensive Auseinandersetzung mit dem Thema. Lexikon, Videos. Daneben Schulen, Events und Organisationen.