Gemeen Worpsweed
Wapen/Flagg | Koort | |
---|---|---|
| ||
Basisdaten | ||
| ||
Flach: | 76,13 km² | |
Inwahners: | 9708 (31. Dezember 2023) | |
Hööchd: | 54 m över de See | |
Postleettall: | 27726 | |
Vörwahl: | 04792-04794 | |
Geograafsche Laag: | Koordinaten:53° 13′ N, 8° 56′ O53° 13′ N, 8° 56′ O | |
Grenzen bi OSM: | 423194 ![]() | |
Gemeenslötel: | 03 3 56 011 | |
Öörd in de Gemeen: | 8 | |
Börgermeester: | Stefan Schwenke | |
![](http://178.128.105.246/cars-http-upload.wikimedia.org/wikipedia/commons/thumb/5/53/Worpswede_Rathaus.jpg/220px-Worpswede_Rathaus.jpg)
Worpsweed is en Gemeen in’n Landkreis Oosterholt in Neddersassen. De Gemeen liggt in’t Düvelsmoor bi’n Weyerbarg an de Hamm un hett 9708 Inwahners (Stand 31. Dezember 2023), dorvun 5300 in’t Dörp Worpsweed sülvs. Bekannt is dat Dörp as Künstlerkolonie.
Blangen den Hauptoort Worpsweed höört to de Gemeen ok en ganze Reeg Dörper ümto mit bi.
Geografie
[ännern | Bornkood ännern]De Navergemenen sünd Vollerso un Gnarrenborg in’n Noorden, Breddörp, Hepst un Tarmst in’n Oosten, Grasbarg un Leendaal in’n Süden un Oosterholt-Scharmbeek in’n Westen.
Historie
[ännern | Bornkood ännern]Von üm un bi 1750 af an fangt se ünner Jürgen Christian Findörp an, dat Düvelsmoor dröög to leggen.
De hüdige Gemeen hett sik an’n 1. Oktober 1936 billt, as de olen Gemenen Oostendörp, Oosterweed, Waakhusen, Worpheim un Worpsweed to een Gemeen tohoopleggt worrn sünd.
Mit de Gemeenreform in Neddersassen sünd to’n 1. März 1974 de acht Gemenen Worpsweed, Waakhusen, Överhamm, Slussdorp, Mevenst, Nee Sankt Jürgen, Huttenbusch un Oostersood tohoopleggt worrn un hebbt denn de gröttere Gemeen Worpsweed billt. Disse acht Gemenen billt vondaag de acht Oortschoppen von de Gemeen.
Inwahnertall
[ännern | Bornkood ännern]Johr | Inwahners |
---|---|
[1] | 19332.510* |
[1] | 19392.706* |
[2] | 31. Dezember 19777.903 |
[2] | 31. Dezember 19828.163 |
[2] | 31. Dezember 19878.656 |
[2] | 31. Dezember 19929.035 |
[2] | 31. Dezember 19979.319 |
[2] | 31. Dezember 20029.511 |
[2] | 31. Dezember 20079.464 |
[2] | 31. Dezember 20129.167 |
- * vör de Gemeenreform 1974 weer dat Rebeed noch lüttjer
Politik
[ännern | Bornkood ännern]De Huusholt vun Worpsweed harr 2005 enen Ümfang vun 12,9 Millionen Euro.
Gemeenraat
[ännern | Bornkood ännern]Johr | CDU | SPD | UWG | FDP | WASG | parteiloos | LINKE |
---|---|---|---|---|---|---|---|
2001 | 11 | 6 | 4 | 3 | - | 1 | |
2006 | 12 | 6 | 4 | 1 | 1 | 1 | |
2011 | 10 | 7 | 6 | 1 | - | - | 1 |
Börgermeesters
[ännern | Bornkood ännern]Tied | Naam | Partei |
---|---|---|
Karl Bürckel | ||
1968–1986 | Albert Reiners | CDU |
–2001 | Johann Kück | |
2001– | Stefan Schwenke | ahn Partei |
Oortschoppen
[ännern | Bornkood ännern]De Gemeen Worpsweed is siet 1974 polietsch ünnerdeelt in den Karnoort Worpsweed un söven annere Oortschoppen, de all en egen Oortsvörsteiher hebbt.
(Na’n Dubbelpunkt kaamt de Öörd, de to de Oortschop tellt)
- Worpsweed: Bargdörp, Noordweed, Süüdweed, Weyerdelen, Weyermoor, Wörpdaal, Worpheim, Worpsweed
- Waakhusen: Viehland, Waakhusen
- Överhamm: Överhamm
- Slussdorp: Slussdorp
- Mevenst: Mevenst
- Nee Sankt Jürgen: Nee Sankt Jürgen
- Huttenbusch: Fiefhusen, Heudorp, Huttenbusch, Huttendorp
- Oostersood: Meinershagen, Noordsood, Oostersood
Ehrenbörgers
[ännern | Bornkood ännern]Worpsweed hett een Ehrenbörger, dat is 1926 Fritz Mackensen worrn.
Wapen
[ännern | Bornkood ännern]Dat Wapen von de Gemeen wiest en sülvern Schild. In’n Schildfoot is en grönen Dreebarg to sehn, op den en rood Schild mit sülvern Rand liggt un dor op dree maal en lütt sülvern Schild. Dat rode Schildhöövd wiest en sülvern Leel un to beide Sieden von de Leel je veer gollen Fackwarkhüüs.
Dat Wapen föhrt de Gemeen siet Juli 2016. Vörher harr de Gemeen keen Wapen. De gollen Hüüs staht för de je veer Hööv an’n Weyerbarg, de 1223 un 1225 an dat Klooster Oosterholt schenkt worrn sünd. Gliektiedig schöölt de acht Hüüs ok Symbool för de acht Oortschoppen ween, in de de Gemeen indeelt is. De Leel is Teken för dat Klooster.
De gröne Dreebarg is Symbool för den Weyerbarg un de rode Schild is dat Zunftwapen von de Malers un steiht dormit för de Künstlerkolonie Worpsweed.
Kultur
[ännern | Bornkood ännern]![](http://178.128.105.246/cars-http-upload.wikimedia.org/wikipedia/commons/thumb/2/2b/Niedersachsenstein_Worpswede.jpg/220px-Niedersachsenstein_Worpswede.jpg)
Worpsweed hett von dat Land Neddersassen dat Prädikat Erholungsort kregen.[3]
Scholen
[ännern | Bornkood ännern]Worpsweed hett de Grundschool Worpsweed mit 269 Schölers (Stand 2005). In Huttenbusch gifft dat ok noch de Grundschool Huttenbusch mit 125 Schölers. Huttenbusch hett ok en Kinnergoorn un in Mevenstedt un Süüdweed gifft dat twee Speelkreis’.
Sport
[ännern | Bornkood ännern]Worpsweed hett en Hallenbad, dat 2005 47.000 Besökers harr.
Weertschop un Infrastruktur
[ännern | Bornkood ännern]De Hauptoord von de Gemeen an’n Weyerbarg gellt na dat Regionale Ruumordnungsprogramm as Grundzentrum för de Öörd in de Ümgegend.
De Gemeen Worpsweed gellt as Utfloogsoort (Stand 1. Januar 2015).[4] Dat bedüüdt ünner annern, dat na dat Neddersassische Gesett över de apenen Tieden un de Verkoopstieden von Ladens Ladens ok sünndags apenmaken dröfft.[5]
Footnoten
[ännern | Bornkood ännern]- ↑ a b Inwahnertallen op verwaltungsgeschichte.de
- ↑ a b c d e f g h http://www.nls.niedersachsen.de/
- ↑ Staatlich anerkannte Kur- und Erholungsorte in Niedersachsen
- ↑ Liste aller Ausflugsorte, Neddersassisch Ministerium för Weertschop, Arbeid un Verkehr
- ↑ Sitzung des Niedersächsischen Landtages am 23.03.2012 - TOP 37: Antwort von Wirtschaftsminister Jörg Bode auf die mündliche Anfrage der Abgeordneten Frauke Heiligenstadt (SPD)
Weblenken
[ännern | Bornkood ännern]- Websteed von de Gemeen (hoochdüütsch)
Ax | Grasbarg | Hambargen | Holste | Leendaal | Lübbs | Oosterholt-Scharmbeek | Hu’e | Swonewebel | Vollerso | Worpsweed