Hans Günter Winkler
Hans Günter Winkler (* 24. Juli 1926 in Barmen, hüüd Oortsdeel vun Wupperdaal; † 9. Juli 2018) weer en düütsch Springrieder. He gull in de 1950er un 1960er Johren as en vun de populärsten düütsch Sportlers.
Leven
[ännern | Bornkood ännern]Jöögd
[ännern | Bornkood ännern]Winkler wurr 1926 in Barmen boren. Mit Peer keem all fröh in Kuntakt, weer sien Vader doch Rietlehrer. He sülvst is utbildt Bankkoopmann ween.
Nah sien Vader, de 1945 in' Tweeten Weltkrieg storven is, wurr ok Hans Günter Winkler gegen Enn' vun den Krieg to'n Militärdeenst intrucken. He weer as Flakhelper in Döringen insett, keem in US-amerikaansch Fangenschap, kunn aber flüchten. Sien Flucht führ hüm nah Frankfort an’n Main to sien Moder. In dat dicht bi liggen Kronberg funn he as Stalljung en Anstellung un geev so ok Liddmaaten vun de amerikaansch Besattensmacht, so ok Militärgouverneur Dwight D. Eisenhower, Rietünnerricht.
Enn' vun de 1940er Johren nehm Winkler an den weer entstahn Turnierrietsport in dat Nahkriegsdüütschland deel. 1950 hett hüm Gustav Rau nah Warnduorp to'n DOKR halt. Geld verdeenen muss Winkler bi en Baudischlereee. 1950 kunn he eerstmals Halla bi en Völsiedigkeitsprüfung rieden muss de Stuut aber denn an Otto Rothe afgeven. De aber harr kien Spood mit Halla un dat Peerd sull an den Tüchter torüchgeven wurrn. Up Wunsch vun den Tüchter kreeg Winkler dat Peerd in' Beritt.
Spoodriek Johren
[ännern | Bornkood ännern]An de Olympisch Spelen 1952 kunn Winkler nich deelnehmen, wiel he wegen sien Rietlehrertätigkeit in Kronberg in de 1940er Johren as Beropssportler gull. Eerst up Insetten vun den DSB-Vörsitter Willi Daume wurr Winkler in' Harvst 1952 in den Amateurstatus torüchsett, de för en Olympiadeelnehm notwendig weer.[1][2][3]
Winkler wurr 1954 un 1955 Weltmeister un weer dormit en vun de Favoriten för de Olympisch Spelen 1956. Mit en legendären Ritt wunn he dor sien eerste Goldmedaille bi Olympisch Spelen. Winkler truck sück in den eersten Dörgang vun de Mannschaps- un Eenzelentscheedung bi dat darteihnste Hindernis en Muskelreet to un kunn sück blots man so eben noch in' Saddel hollen. Sien Peerd Halla droog hüm över de Hindernisse bit an't Teel. Nah en Behandlung dör den Mannschapsdokter, de tonächst blots en Liestenbröök faststellt harr, seet Winkler för den tweeten Dörgang weer in' Saddel, harr wegen sien Verletzung aber meest kien Mögelkeit, sien Peerd to korrigeeren. Ünner groot Pien wunn he aber denn doch de Goldmedaille in't Eenzel un för de Mannschap. Sien Peerd wurr sietdem de Wunderstute Halla nömmt.
Winkler wunn tüschen 1956 un 1976 fiev Goldmedaillen in't Springrieden (neben de Eenzelmedaille veer mit de düütsch Mannschap) un een Sülvermedaille, wat hüm to en vun de spoodrieksten düütsch Olympiadeelnehmers maken dee. He wurr 1955 un 1956 to'n Sportler vun dat Johr in Düütschland wählt un buterdem to'n Sportler vun de 1950er un 1960er Johren. 1986 hett he sien Loopbahn bi de Springrieder-Weltmeesterschapen in Aken afslooten.
Siet den 1950er Johren hett Winkler tallriek Böker över den Rietsport herutbrocht un hett 1991 de HGW-Marketingsellschop grünnd, de Rietturniere organiseert. För en 1961 herutbrocht Schallplaat vun de Ariola hett he Vom Umgang mit Pferden bericht.[4]
Nah de aktiv Sportkarriere
[ännern | Bornkood ännern]Hans Günter Winkler bleev ok nah dat Enn' vun sien eegen aktiv Sportlerloopbahn eng mit den Rietsport verbunnen. All in dat Johr vun sien Karriereenn' hett he tosommen mit Herbert Meyer den Goldenen Sattel in't Leven ropen, en an wesseln Öörd utdragen Stilspringprüfung mit Peerwessel för veer utwählt Nahwussspringrieder bit to dat Öller vun 21 Johren.[5][6]
Wenig later hett he sück dat in' Rahmen vun dat Düörpmer Westfalenhallenturnier utdragen HGW-Bundsnachwusschampionat utdocht. Disse Veranstaltung för Nachwussspringrieder bit 25 Johren wurrd noch hüüd utdragen, siet 2009 in' Rahmen vun de Löwen Classics Bruunswick.[7][8]
Dorneben is he Sportdirektor vun de Löwen Classics in Bruunswick[9] un sportlich Leiter vun den Goldstadt Cup in Pforzheim.[10]
Utteknungen
[ännern | Bornkood ännern]Hans Günter Winkler kreeg dat Bundsverdeenstkrüüz (1975) mit Steern (2008) as ok den Medienpries Bambi un 2002 di Utteknung as weltbest Springrieder bi Olympisch Spene.
2006 hörr „HGW“ as he ok woll nah sien Naamsinitialen nömmt wurrd, to de eerst Sportler, de in de nee grünnd Hall of Fame vun den Düütschen Sport upnommen wurr. Hans Günter Winkler is todem Liddmaat vun dat Ehrenkomitee vun de Spaansch Hoffrietschool.
Privates
[ännern | Bornkood ännern]Van 1957 bit 1960 weer he mit de Springriederin Inge Fellgiebel (Dochter vun den Hippoloog Hans Fellgiebel, latere Ehefru vun George Theodorescu un Moder vun Monica Theodorescu) verheiraadt. Ut de Ehe (1962–1970) mit Marianne Gräfin Moltke ut Däänmark stammen sien Kinner Jørn (boren 1965) un Jytte (boren 1967). Bit to de Scheedung 1986 geev dat en darte Ehe mit de venezolaansch Millionärsdochter Luciana Denice.
Van 1994 bit 2011 weer he in veerte Ehe mit de US-Amerikanerin Debby Winkler (boren Malloy) verheiraadt, de dree Daag nah en Rietunfall an' 21. Februar 2011 mit 51 Johren storven is.[11]
Wat he schafft hett
[ännern | Bornkood ännern]- Olympisch Spelen
- 1956 in Stockholm: Goldmedaille Mannschap, Goldmedaille Eenzel up Halla
- 1960 in Rom: Goldmedaille Mannschap, Eenzelwertung 5. up Halla
- 1964 in Tokio: Goldmedaille Mannschap, Eenzelwertung 16. up Fidelitas
- 1968 in Mexiko-Stadt: Bronzemedaille Mannschap, Eenzelwertung 5. up Enigk
- 1972 in München: Goldmedaille Mannschap up Torphy
- 1976 in Montreal: Sülvermedaille Mannschap, Eenzelwertung 10. up Torphy
- Weltmeesterschapen
- Europameisterschaften
- Düütsch Meisterschapen
- Düütsch Meester 1959 up Halla
- Düütsch Championat
- Sieger 1952, 1953, 1954, 1955
Warken
[ännern | Bornkood ännern]- Halla, meine Pferde und ich!, Warendorf, FNverlag, Juli 2007, ISBN 978-3-88542-430-7 (eerstmals 1958 as Meine Pferde und ich rutbrocht)
- Springreiten, Reinbek, Rowohlt, 1979, ISBN 3-498-07282-X
Literatur
[ännern | Bornkood ännern]- Dieter Ludwig: Hans Günter Winkler, Warendorf, FN-Verlag, 1983, ISBN 3-88542-025-2
- Eckhard F. Schröter: Das Glück dieser Erde. Leben und Karriere deutscher Springreiter, Fischer-Taschenbuch-Verlag|, Frankfurt a. M., 1980, ISBN 3-596-23019-5
Weblenken
[ännern | Bornkood ännern]![](http://178.128.105.246/cars-http-upload.wikimedia.org/wikipedia/commons/thumb/4/4a/Commons-logo.svg/20px-Commons-logo.svg.png)
- Hans Günter Winklers Web-Site
- DNB-Katalog
- Hans Günter Winkler in de Hall of Fame vun den düütschen Sport
Enkeld Nahwiesen
[ännern | Bornkood ännern]- ↑ Biographisches Archiv (Munzinger): Hans Günter Winkler
- ↑ Hans Günter Winkler zum 85. Geburtstag, Dieter Ludwig, 23. Juli 2011
- ↑ Hall of Fame des deutschen Sports: Hans Günter Winkler, Text verfaat vun Evi Simeoni
- ↑ Vom Umgang mit Pferden in' Katalog vun de Düütsch Natschonalbökeree
- ↑ Der Goldene Sattel, hgwinkler.de
- ↑ Goldener Sattel für Andreas Kreuzer, Deutsche Reiterliche Vereinigung, 21. Januar 2012
- ↑ HGW-Bundesnachwuchschampionat, hgwinkler.de
- ↑ HGW-Bundesnachwuchschampionat, Löwen Classics Braunschweig
- ↑ Löwen Classics Braunschweig vom 15.-18. März 2012
- ↑ Organisatoren des S&G Goldstadt Cup: "Nicht nur Ballaballa auf der Wiese"
- ↑ HG Winklers Ehefrau Debby wurde nur 51 Jahre alt, Dieter Ludwig, 21. Februar 2011