Hoot
Dit Woort hett noch annere Bedüden: kiek dorför ünner Hoot (Mehrdüdig Begreep).
![](http://178.128.105.246/cars-http-upload.wikimedia.org/wikipedia/commons/thumb/a/af/Gruppbild_sv_arbetsf%C3%B6rm%C3%A4n_vid_L%C3%A4ten_Hospitalbygge_-_Nordiska_Museet_-_NMA.0056803.jpg/220px-Gruppbild_sv_arbetsf%C3%B6rm%C3%A4n_vid_L%C3%A4ten_Hospitalbygge_-_Nordiska_Museet_-_NMA.0056803.jpg)
Een Hoot (m, pl. Hööt) is een Koppbedecken, de eene faste Form un rundüm een Kremp hett. Wenn dor keen Kremp an is, man blots vörn een Schirm, denn segg’n Mütz dorto.
De Hööt gifft dat ut ganz ünnerscheidlik Materiol: pressten Filz oder Wull, Hoor vun lütte Deierten, knütte Wull, weevten Stoff oder ok ut Stroh.
De Lüüd nehmt den Hoot her als Schuuls vör Regen un Sünnschien. De miersten Hööt, sünnerlich bi de Froonslüüd, ward ober woll to’n Smuck drogen.
De Hööt, besünners de för de Mannslüüd ward na faste Grööten makt. Düsse Grööt ward an'n Kopp meet un twors dor, wo de Hoot sitten sall: Baben de Ohren un mitten öber der Stiern. In Middeleuropa ward dat in cm utdrückt, woanners op de Welt ward't woll ok in Toll meet.
Op de heele Welt gifft dat veele ünnerscheedlik Hootformens sowoll för de Manns- as ok för de Froonslüüd.
De Hööt an sick ward vun de Minschen sekerlik all eenige dusend Johr nütt't.