Hydra (Maand)
![](http://178.128.105.246/cars-http-upload.wikimedia.org/wikipedia/commons/thumb/d/d6/Pluto_and_its_satellites_%282005%29.jpg/170px-Pluto_and_its_satellites_%282005%29.jpg)
Hydra is in de Astronomie de Naam von een Maand von den Dwargplaneten Pluto. Toeerst wörr de Maand S/2005 P1 nöömt. Hydra heet he nu siet Juni 2006. De Naam is afleid von de Seeslang mit de negen Köpp ut de greekschen Mythologie.
De Maand is in'n Mai 2005 von dat Hubble-Teleskop opnahm worrn. Bekannt geven hett dat de US-amarikaansch Ruumfohrtbehörd National Aeronautics and Space Administration (NASA) an'n 31. Oktober 2005. De harrn op disse Opnahm Charon un noch twee annere Objekte funnen. Dat dat Hydra wirklich gifft, is denn in'n Februar 2006 dör noch mehr Ünnersöken bestätigt worrn.
Ganz veel weet man noch nich över Hydra. De Dörmeter warrt op 110 bit 160 km afschätzt. De Albedo von de Böverflach, also de Andeel Licht, de bi'n Opdropen wedder afstrohlt warrt, is ober noch nicht bekannt. Dorüm is de Grött noch nich nipp und nau bekannt. De Afstand von Pluto liggt so bi 65.000 km