Johannes Franz Hartmann
![](http://178.128.105.246/cars-http-upload.wikimedia.org/wikipedia/commons/thumb/a/ab/Johannes_Franz_Hartmann.jpg/220px-Johannes_Franz_Hartmann.jpg)
Johannes Franz „Juan” Hartmann (* 11. Januar 1865 in Erfurt; † 13. September 1936 in Chöttingen) weer en düütschen Astronom.
Leven un Wark
[ännern | Bornkood ännern]Hartmann hett in Tübingen, Berlin un Leipzig studeert. Wiel sien Studientiet is he Maat vun de kathoolschen Studentenverbinnen AV Guestfalia Tübingen worrn. He hett 1891 sien Dokter maakt un güng 1893 an de Privatsteernwacht vun Moritz vun Kuffner, woneem he as Helpsmann arbeit hett.
1894 keem he na Leipzig torüch un hett vun 1896 an an’t Astrophysikaalsche Observatorium in Potsdam arbeit. Dor is Hartmann 1902 to’n Perfesser beropen worrn. Vun 1909 bit 1921 weer he ordigen Perfesser an de Universität Chöttingen un Direkter vun de Steernwacht Chöttingen. 1910 is he Liddmaat vun de Leopoldina worrn, un weer 1914 to’n ordig Maat vun de Amademie vun de Wetenschoppen to Chöttingen wählt[1]. 1921 is he wegen betere Beobachtungsümstännen as Direkter vun de argentinischen Natschonalsteernwacht na La Plata, Argentinien wesselt. 1934 is he swoor krank na Chöttingen torüch kamen, woneem he twee Johren later doodbleven is.
Hartmann hett sik vör allen mit de Spektroskopie vun Steerns befaat. Bi’t beobachten vun den Dubbelsteern Delta Orionis hett he eerste Henwiesen op interstellare Materie funnen. In de Tiet in Argentinien hett he butendem de dree Asteroiden (965) Angelica, (1029) La Plata un (1254) Erfordia opdeckt.
Weblinks
[ännern | Bornkood ännern]- Literatur vun un över J. Hartmann in’n Kataloog vun de Düütsche Natschonalbökeree
- Publikatschonen vun J. Hartmann in’t Astrophysics Data System
- Naropen op J. Hartmann in’t Astrophysics Data System
Borns
[ännern | Bornkood ännern]- ↑ Holger Krahnke: Die Mitglieder der Akademie der Wissenschaften zu Göttingen 1751–2001 (= Abhandlungen der Akademie der Wissenschaften zu Göttingen, Philologisch-Historische Klasse. Folge 3, Bd. 246 = Abhandlungen der Akademie der Wissenschaften in Göttingen, Mathematisch-Physikalische Klasse. Folge 3, Bd. 50). Vandenhoeck & Ruprecht, Göttingen 2001, ISBN 3-525-82516-1, S. 104 (hoochdüütsch).