Lena Meyer-Landrut
![](http://178.128.105.246/cars-http-upload.wikimedia.org/wikipedia/commons/thumb/8/8c/Lena_Meyer-Landrut01.jpg/220px-Lena_Meyer-Landrut01.jpg)
Lena Meyer-Landrut (* 23. Mai 1991[1] in Hannober) is eene noorddüütsche Singersche. Se is bekannt wurrn, as se bi de Düütsche Vörutwahl to den Eurovision Song Contest in dat Johr 2010 mitmaakt hett. Dor hett se den eersten Platz bi maakt mit ehr engelsch Leed Satellite. Mit datsülvige Leed hett se an'n 29. Mai 2010 ok den Eurovision Song Contest in Oslo wunnen.
Leven
[ännern | Bornkood ännern]Na den Vadder siene Sieten hen is Lena Meyer-Landrut en Grootdochter vun den düütschen Diplomaten Andreas Meyer-Landrut.[2][3] De Öllern sünd fröh ut’neen gahn un so is se alleen bi ehre Mudder in den hannöberschen Stadtdeel Misborg-Anderten upwussen.[4] De Vadder weer utbüxt, as se twee Johre oolt weer.[5] Meyer-Landrut besöcht de IGS Roderbruch Hannober.[6] Al mit fiev Johren hett se mit de Danzeree anfungen. Na Ballett un Jazz Dance hett se sik mit Show-Dance befaat, de ut Hip-Hop, Jazz- un Utdrucksdanz tohopenschostert is.[7] Blangenbi hett se Spaaß harrt bi dat Singen. 2007 hett se mit en Schoolfründ dat Musikduo „Stenorette 2080“ grünnt. De Naam weer vun de Dikteer-Reedschop Stenorette hernahmen, wo se ehre beiden eersten Songs mit upnahmen harrn.[8] Se seggt, ehre musikaalschen Vörbiller, dat weern unner annern Clueso, Adele, Kate Nash, Vanessa Carlton un de düütsche Popgruppe Wir sind Helden. Ehr se mit de Singeree groot rutkamen is, hett se al in de Feernsehserien K11 – Kommissare im Einsatz, Helfen Sie mir! un Richter Alexander Hold as Komparsin mitmaakt.[9]
Unser Star für Oslo
[ännern | Bornkood ännern]![](http://178.128.105.246/cars-http-upload.wikimedia.org/wikipedia/commons/thumb/7/7e/Lena_Oslo3_cropped.jpg/170px-Lena_Oslo3_cropped.jpg)
In’n Harvst 2009 hett se sik anmellt bi de Castingshow Unser Star für Oslo, dat is de düütsche Vör-Utwahl för den Singer-Wettstriet in Oslo ween. ARD un ProSieben hefft düsse Vör-Utwahl tohopen utricht'. Unner mehr as 4.500 Lüde is se een vun de 20 ween, de bi de beiden eersten Feernsehshows mitmaken dröffen. Dor hett se denn wunnen un is, as düütschen Deelnehmer, na Oslo henstüert wurrn.
Ehr Winnerleed Satellite hett in Düütschland glieks den eersten Platz in de Charts hoolt un is up Youtube unbannig veel upropen wurrn. Bi de Endrunn vun’n Eurovision Song Contest 2010, de an’n 29. Mai 2010 stattfunn, hett se de hele europääsche Kunkurrenz achter sik laten un as tweete düütsche Singersche – na Nicole in’t Johr 1982 – den Wettstriet wunnen.
De Song-Contest 2010
[ännern | Bornkood ännern]![](http://178.128.105.246/cars-http-upload.wikimedia.org/wikipedia/commons/thumb/a/ad/55th_Eurovision_Song_Contest_-_Origin_of_the_Votes_for_Germany.svg/220px-55th_Eurovision_Song_Contest_-_Origin_of_the_Votes_for_Germany.svg.png)
Punkte för Lena Meyer-Landrut:
Land | Punkte |
---|---|
Däänmark, Estland, Finnland, Lettland, Norwegen, Sweden, Swiez, Slowakei, Spanien | 12 Punkte |
Albanien, Belgien, Litauen, Slowenien, Törkei | 10 Punkte |
Bosnien, Irland, Mazedonien, Serbien | 8 Punkte |
Polen | 7 Punkte |
Kroatien, Russland | 6 Punkte |
Ukraine | 5 Punkte |
Malta, Nedderlannen, Vereenigt Königriek, Zypern | 4 Punkte |
Bulgarien, Frankriek, Island, Rumänien | 3 Punkte |
Grekenland | 2 Punkte |
Aserbaidschan, Portugal | 1 Punkt |
Armenien, Georgien, Israel, Moldawien, Wittrussland | 0 Punkte |
Afstimmen dröffen all 39 Länner, de in de Halffinals un in dat Finale mitmaakt hefft. Een Land dröff dorbi nich för den egen Bidrag stimmen.
Mit 14,69 Millionen Tokiekers un en Marktandeel vun 49,1 % is dat de European-Song-Contest mit de meisten Tokiekers ween, sietdem dat Privatfeernsehn inföhrt wurrn is.
Platen
[ännern | Bornkood ännern]Alben
[ännern | Bornkood ännern]Johr | Titel | Platz in de Charts | Soveel Mol verköfft | ||
---|---|---|---|---|---|
DE | AT | CH | |||
2010 | My Cassette Player | 500.000+ | |||
2011 | Good News | 200.000+ | |||
2012 | Stardust | 100.000+ |
Singles
[ännern | Bornkood ännern]Johr | Titel | Chartpositionen[10] | Soveel Mol verköfft | ||||
---|---|---|---|---|---|---|---|
DE | AT | CH | SE | CZ | |||
2010 | Satellite | 1 | 2 | 2 | 41 | 56 | DE: 660.000+ (3-fach-Gold, Platin)[11] |
Touch a New Day | 13 | 26 | – | – | – | ||
2011 | Taken By a Stranger | 2 | 18 | 29 | – | – | |
What a Man | 21 | – | – | – | – | ||
2012 | Stardust | 2 | 14 | 74 | – | – | DE: 150.000+ |
2013 | Neon (Lonely People) | 38 | – | – | – | – |
Utteknungen
[ännern | Bornkood ännern]- 2010: nomineert för den VIVA Comet in de Kategorie Dörstarter vun’t Johr[12]
- 2010: Winner bi den 55. Eurovision Song Contest
Belege
[ännern | Bornkood ännern]- ↑ stern.de: Interview Lena Meyer-Landrut: An Kampf zu denken, liegt mir nicht
- ↑ Musik: Lena Meyer-Landrut: Zwischen Grand Prix und Schulbank. Ad-hoc-news.de, 12. März 2010 (opropen an’n 12. März 2010)
- ↑ Antje Harders: NACHGEFRAGT … bei Nachwuchstalent Lena Meyer-Landrut. Bunte, 11. Februar 2010, Nr. 7, S. 110
- ↑ Tina Stockhausen: Alle lieben Lena. RP-Online, 21. April 2010 (upropen an’n 22. April 2010)
- ↑ Seit 16 Jahren haben sich Lena Meyer-Landrut und ihr Vater Ladislas nicht gesehen focus-online, 12. Mai 2010 (upropen an’n 12. Mai 2010)
- ↑ Güngör Öztürker: USFO: Lena Meyer-Landrut auf dem Weg nach Oslo. Welt.de, 12. März 2010 (upropen an’n 12. März 2010)
- ↑ Profil bi Eurovision.ndr.de (upropen 12. März 2010)
- ↑ Eva Mahle: [1] Die Presse vom 10. April 2010: Eurovision Song Contest: Lena, Liebling der Nation] (upropen an'n 22. April 2010)
- ↑ [2] vun’n 4. Mai 2010, togrepen an’n 4. Mai 2010
- ↑ DE AT CH SE CZ
- ↑ Gold-/Platindatenbank vun’n Bundsverband Musikindustrie (Söök: „Lena Meyer-Landrut“)
- ↑ VIVA.de:COMET 2010: Nominierungen stehen!
Weblenken
[ännern | Bornkood ännern]![](http://178.128.105.246/cars-http-upload.wikimedia.org/wikipedia/commons/thumb/4/4a/Commons-logo.svg/20px-Commons-logo.svg.png)