Leonid Hurwicz
![](http://178.128.105.246/cars-http-upload.wikimedia.org/wikipedia/commons/thumb/a/a0/Leonid_Hurwicz.jpg/220px-Leonid_Hurwicz.jpg)
Leonid Hurwicz (* 21. August 1917 in Moskau; † 24. Juni 2008 in Minneapolis, Minnesota) weer en US-amerikaansch Wertschapswetenschapler un Nobelpriesdräger. He weer Emeritus vun de University of Minnesota un gull as Begrünner vun de „Mechanism-Design“-Theorie, de later vun Eric Stark Maskin un Roger Bruce Myerson wesentlich wiederentwickelt wurr.
Leven
[ännern | Bornkood ännern]Hurwicz wurr as Söhn vun poolsch-jöödsch Öllern 1917 in Moskau geboren. Sien Familie kehr Anfang 1919 torüch nah Warschau, wo he de School un later ok de Universität besöcht hett. Mit 21 Johren hett he dat Studium an de Universität Warschau as Magister vun beid Rechte afslooten. Van 1935 bit 1938 hett he sowohl en Studium för Experimentalphysik as ok Musikkonservatorium en Studium för Piano maakt. Nah den Besöök vun de London School of Economics 1938 bit 1939 gung Hurwicz bi Utbröök vun den Tweeten Weltkrieg in de Swiez un emigreer 1940 in de USA. Hier hett he ünner annern mit den Nobelpriesdräger Paul A. Samuelson tosommen arbeit. As Gastperfesser weer he ünner annern an de Harvard University un de Stanford University tätig.[1]
In de wertschaftswetenschaplich Breet dörsett hett sück de nah hüm nömmt Hurwicz-Regel, de to de Wahl tüschen Alternativen bi Unsekerheit bruukt wurrn kann.
Utteknungen
[ännern | Bornkood ännern]Hurwicz kreeg 2007 gemeensam mit Eric Maskin un Roger Myerson för de Arbeit bi den Entwurf vun ökonoomsch Mechanismen den Nobelpries för Wertschapswetenschapen. He weer mit 90 Johren de bit dorhen öldste Priesdräger.
Weblinks
[ännern | Bornkood ännern]- Hurwicz up de Sieden vun den Nobelpries (engelsch)
- Hurwicz Nobel Prize lecture
- Perspectives on Leo Hurwicz (conference program and photos) University of Minnesota (econ.umn.edu)
Enkeld Nahwiesen
[ännern | Bornkood ännern]- ↑ reuters.com, Russian-born U.S. economist oldest-ever Nobel winner. 18. Oktober 2007