Olsen Brothers
![](http://178.128.105.246/cars-http-upload.wikimedia.org/wikipedia/commons/thumb/d/d8/Olsen_Brothers.jpg/200px-Olsen_Brothers.jpg)
De Olsen Brothers (däänsch: Brødrene Olsen) is en däänsch Musikerduo, to dat de beiden Bröder Jørgen Olsen (*1950) un Noller Olsen (Niels, *1954) höört.
Anfungen hett jemehr Loopbahn 1965 as Rock- un Popmusikers mit de Grünnen vun de Grupp The Kids. As Vörgrupp vun de Kinks hebbt se to’n eersten Maal op de Bühn stahn. Dat weer bi den jemehr Konzert in Kopenhagen. The Kids hebbt 1967 jemehr eerste Single rutbröcht.
Vun 1971 an weern de beiden Bröder Liddmaten vun’t däänsche Ensemble vun Hair, womit se later in Däänmark, Norwegen un Sweden op Tour gahn sünd. Dat eerste Album vun de Olsen Brothers is 1972 entstahn. Opstunns hebbt se twölf Alben rutbröcht.
Jemehr Comeback hebbt se 2000 mit groten Spood in Stockholm fiert, as se dor den Eurovision Song Contest wunnen hebbt. Mit dat Leed Fly on the wings of love (in’t Original: Smuk som et Stjerneskud) harrn se internatschonal groten Spood – ok in finanziell Hensicht. Vun 1978 an harrn de beiden jümmer wedder an den däänschen Vörutscheden to’n Song Contest deelnahmen, deels tohopen as Duo, deels ok Jørgen Olsen alleen, de dat toletzt 2007 wedder versöcht hett.
Gröttste Hitleder
[ännern | Bornkood ännern]- 1972: Angelina
- 1977: Julie
- 1978: San Francisco
- 1979: Dans Dans Dans
- 1982: Marie, Marie
- 1985: Neon Madonna
- 2000: Fly on the wings of love
- 2011: Wings of Eurovision
Weblenken
[ännern | Bornkood ännern]- Websteed vun de Olsen Brothers (däänsch)