Santa Luzia (Kap Verde)
![](http://178.128.105.246/cars-http-upload.wikimedia.org/wikipedia/commons/thumb/6/6a/Locator_map_of_St_Luzia%2C_Cape_Verde.png/200px-Locator_map_of_St_Luzia%2C_Cape_Verde.png)
![](http://178.128.105.246/cars-http-upload.wikimedia.org/wikipedia/commons/thumb/b/bb/Santa_Luzia.svg/200px-Santa_Luzia.svg.png)
Santa Luzia is en Eiland in’n Atlantik, dat to de Republiek Kap Verde höört.
Geografie
[ännern | Bornkood ännern]Dat Eiland tellt to de nöördlich Inselgrupp Ilhas do Barlavento („Eilannen över den Wind“) un liggt bi ruchweg 16°51’ N un 24°58’ W twüschen de Eilannen São Vicente un São Nicolau. Santa Luzia is bit to 8,6 km lang un 4,3 km breed un hett en gesamte Flach vun ruchweg 35 km². De hööchste Steed is de Monte Grande (port.: „groot Barg“) mit 397 m. De siete Hööch sorgt dorvör, dat sik de Wulken nich över dat Eiland hollen künnt, so dat hier ok blots wenig Regen rünnergeiht.[1]
Santa Luzia liggt in Sicht vun São Vicente üm un bi 10 km wiet weg un wiest hellsannige Stränn op. Dat Eiland is vundaag nich mehr bewahnt, en Fährverbinnen gifft dat dorüm nich. Överfohrten mööt privat mit Fischers uthannelt warrn.[1] Wieter na Süüdoosten to leegt de beiden noch lütteren Eilanen Branco un Raso, de beid ok nich bewahnt sünd.
Historie
[ännern | Bornkood ännern]Santa Luzia weer nich jümmer unbewahnt, dat hett en poor Familien ut São Nicolau geven, de op dat lütte Eiland wahnt un dor Zegen hollen hebbt. Man, vun wegen den Watermangel hett de letzte Familie dat in de 1960er Johren opgeven. Sietdem is dat Eiland nich mehr bewahnt. Mach aver angahn, dat dor tokamen en seebioloogsch Statschoon to’n Forschen inricht warrt.
Borns
[ännern | Bornkood ännern]- ↑ a b Kapverdische Inseln, Dumont Reisetaschenbuch, 3. Oplaag, 2007, ISBN 978-3-7701-5968-0
Weblenken
[ännern | Bornkood ännern]
Ilhas de Barlavento:
bewahnt:
Santo Antão |
São Vicente |
São Nicolau |
Sal |
Boa Vista
nich bewahnt:
Santa Luzia |
Branco |
Raso |
Ilhéu de Sal Rei |
Ilhéu do Baluarte |
Ilhéu Rabo do Junco |
Ilhéu dos Pássaros
Ilhas de Sotavento:
bewahnt:
Brava |
Fogo |
Santiago |
Maio
nich bewahnt:
Ilhéus do Rombo (Ilhéu Grande |
Ilhéu de Cima) |
Ilhéu Laja Branca |
Ilhéu de Santa Maria