फर्मियम

थ्व छगू तत्त्व (एलेमेन्ट) खः। थ्व तत्त्वया नां नांजाम्ह वैज्ञानिक एन्रिको फर्मीया नामं तःगु ख। थ्व छगू सिन्थेटिक रासायनिक तत्त्व ख। थुकिया चिं Fm व परमाणु ल्याः १०० दु। थ्व छगू एक्टिनाइड ख व दकलय् झ्यातूगु तत्त्व ख गुकियात यांगु तत्त्वया न्युट्रन बमवर्षा याना दयेकेछिं। थ्व कारणं थ्व दकलय् लिपांगु तत्त्व ख गुकियात म्याक्रोस्कोपिक मात्राय् दयेकेछिं। यद्यपि शुद्ध फर्मियम धातु आःतक नं दयेके मफुनि। मुक्कं थ्व तत्त्वया २० आइसोटोप ज्ञात दु, गुकिलि २५७Fm दकलय् ताःहाकःगु आयु दूगु आइसोटोप ख गुकिया अर्धजीवन १००.५ न्हु दु।

थ्व सन् १९५२य् न्हापांगु हाइड्रोजन बम विस्फोटं दयेकूगु धुलय् लुयावःगु ख। आणविक भौतिक विज्ञानया अग्रगामीत मध्ये छम्ह एनरिको फर्मीया नामं थ्व तत्त्वया नां तःगु ख। थुकिया रसायन शास्त्र लिपाया एक्टिनाइडया निंतिं विशिष्ट दु, गुकिलि +३ अक्सिडेसन अवस्थाया प्रधानता दु तर सरल +२ अक्सिडेसन अवस्था नं दु। उत्पादित फर्मियमया म्हो मात्रा व थुकिया फुक्क आइसोटोपया अपेक्षाकृत म्हो अर्ध-जीवन दूगुलिं थौंकन्हय् आधारभूत वैज्ञानिक अनुसन्धानं पिने थुकिया छुं नं छ्येलेज्या मदु।

स्वयादिसँ[सम्पादन]

• तत्त्व

विकिमिडिया मंका य् थ्व विषय नाप स्वापु दुगु मिडिया दु: Fermium