Arabarhest
![](http://178.128.105.246/cars-http-upload.wikimedia.org/wikipedia/commons/thumb/f/f8/Pernod_Al_Ariba_0046b.jpg/220px-Pernod_Al_Ariba_0046b.jpg)
![](http://178.128.105.246/cars-http-upload.wikimedia.org/wikipedia/commons/thumb/9/9d/Tanna_play_4.png/220px-Tanna_play_4.png)
Arabarhest er ein hesterase med opphav i Arabia i Midt-Austen. Han er rekna som ein varmblodshest med eit energisk temperament.
Skildring
[endre | endre wikiteksten]Arabarhesten har lite, kileforma hovud med konkav eller rett profil. Haleføringa er høg. Heilskapsinntrykket skal vere elegant og røyrslene frie. Hesten er svært rask og uthaldande.
Historie
[endre | endre wikiteksten]Det skal ha vore beduinar, arabiske ørkennomadar, som fyrst dreiv avl på arabarhest. I beduinsamfunna var arabarhesten høgt skatta. For at ørkenhesten ikkje skulle endre seg, men vere slik Gud hadde skapt han, vart andre hesteslag ikkje brukt i avlen. Etterkvart vart det meir kontakt over landegrensene. Arabarhestar vart gjevne som gåver frå ottomanske herskarar til statsoverhovud i Europa. Slik spreidde arabarhesten seg, og mange andre hesterasar fekk innslag av arabisk blod. Engelsk fullblodshest, percheron og russisk orlovtravar er døme på rasar som har arabarhestar bak i slekta.
Utbreiing
[endre | endre wikiteksten]Arabarhesten finst i dag over heile verda, mellom anna Storbritannia, USA, Polen, Russland, Brasil og ikkje minst statar i Midt-Austen.
![](http://178.128.105.246/cars-http-upload.wikimedia.org/wikipedia/commons/thumb/2/21/Marbach_Araberstute_f%C3%BChrt_Fohlen.jpg/220px-Marbach_Araberstute_f%C3%BChrt_Fohlen.jpg)
Bruk
[endre | endre wikiteksten]Opphavleg var arabarhesten ein lett stridshest. Hoppene vart foretrukne til denne bruken. I dag vert hestane nytta til mykje ulikt, mellom anna distanseriding.
Bakgrunnsstoff
[endre | endre wikiteksten]- Norsk araberhestforening Arkivert 2011-04-17 ved Wayback Machine.
- Rasestandard
- Horse of the Desert Bedouin (eng) Arkivert 2006-04-22 ved Wayback Machine.
Kjelder
[endre | endre wikiteksten]«araberhest» i Store norske leksikon, snl.no.