Bergtrupial
Bergtrupial | |
Bergtrupial | |
Utbreiing og status | |
Status i verda: Utbreiinga av Bergtrupial | |
Systematikk | |
Rike: | Dyr Animalia |
Rekkje: | Ryggstrengdyr Chordata |
Underrekkje: | Virveldyr Vertebrata |
Klasse: | Fuglar Aves |
Orden: | Sporvefuglar Passeriformes |
Familie: | Trupialfamilien Icteridae |
Slekt: | Macroagelaius |
Art: | Bergtrupial M. subalaris |
Vitskapleg namn | |
Macroagelaius subalaris |
Bergtrupial (Macroagelaius subalaris) er ein fugl i trupialfamilien. Han er endemisk for Santander-departementet i Colombia.
Skildring
[endre | endre wikiteksten]Dette er ein relativt stor trupial, kroppslengd ca. 29 centimeter inkludert ein lang hale. Hannfuglar er litt større enn hofuglar. Fjørdrakta er heilsvart med blåglans, men dei har ein lite synleg kastanjefarga flekk i «armhola». Nebbet er konisk. Lætet er varierande, mellom anna ein høgfrekvent, ringelyd 'tirititiuu, tirititiuu, tirititiuu'.
Han lever i vestskråninga av den austlege fjellkjeda av Andes, i høgder mellom 1900 og 3100 moh.[1] Utbreiingsområdet er lite, ca. 640 km2,[2] og ligg mellom Bucaramanga og sørover til vel 100 km i luftlinje sør for Bucaramanga i Santander-departementet. Han har tidlegare òg vore registrert sør for Bogotá. Bergtrupialar føretrekk habitat med fuktig, alpin skog, helst eik med epifyttar.
Populasjonen er estimert til å ligge i området 1000-2500 individ og minkande. Arten er klassifisert som sterkt truga.[2] Trugsmåla inkluderer avskoging og mangel på passande biotop.
Kjelder
[endre | endre wikiteksten]- Fraga, R. (2011). Mountain Grackle (Macroagelaius subalaris) In: del Hoyo, J., Elliott, A., Sargatal, J., Christie, D.A. & de Juana, E. (eds.) (2015). Handbook of the Birds of the World Alive. Lynx Edicions, Barcelona. Henta den 8. november 2015
- BirdLife International (2015) Species factsheet: Macroagelaius subalaris. Henta frå http://www.birdlife.org den 8. november 2015
- Referansar
Bakgrunnsstoff
[endre | endre wikiteksten]- Bilete på Flickr.com Henta 8. november 2015