Danilovklosteret
Danilovklosteret | |||
![]() | |||
![]() Danilovklosteret 55°42′39″N 37°37′50″E / 55.710833333333°N 37.630555555556°E |
---|
Danilovklosteret (russisk skrift Данилов монастырь, Свято-Данилов монастырь) er eit kloster på sørbreidda av elva Moskva i Moskva i Russland. Sidan 1983 har klosteret vore hovudkvarter for den russisk-ortodokse kyrkja.
Historie
[endre | endre wikiteksten]![](http://178.128.105.246/cars-http-upload.wikimedia.org/wikipedia/commons/thumb/7/7c/Danilov.jpg/220px-Danilov.jpg)
Danilovklosteret vart grunnlagd på slutten av 1200-talet av Aleksandr Nevskij sin son Daniil.[1] Kort før han døydde i 1303, avla Daniil klosterløfte og vart seinare gravlagd i Danilovklosteret. Den russisk-ortodokse kyrkja ærer han som helgen. Den aller fyrste moskovittiske arkimandrit kom frå dette klosteret i 1300.
På 1300- og 1400-talet forfall Danilovklosteret. Ivan den skrekkelege gav klosteret nytt liv frå 1560. Under den store urotida i Russland var klosteret åstad for mange krigshandlingar. Under ei av desse, i 1610, vart Danilovsklosteret sterkt skadd.
I 1710 var det 30 munkar i Danilovklosteret. I 1764 var staben nede i 12. Kring 1900 hadde talet på munkar stige til 17. Mellom munkane som levde i Danilovklosteret var den kjende greske lærde Nikephoros Theotokis. Han trekte seg tilbake til dette klosteret, etter han i 1792 forlet posten som biskop i Sør-Russland.[2]
År 1805 vart det på klosteret opna ein almisseheim for eldre kvinner. Seinare vart almissseheimen omgjorte til heim for eldre geistlege og enkjer etter slike.
![](http://178.128.105.246/cars-http-upload.wikimedia.org/wikipedia/commons/thumb/3/3f/Danilov_convent_02.jpg/220px-Danilov_convent_02.jpg)
Etter oktoberrevolusjonen hyste klosteret arkimandrittar som hadde mista verva sine. I 1929 vedtok sovjetstyremaktene eit dekret om å stengje klosteret. Klosteret var det siste i Moskva som vart nedlagt, og det fyrste som vart gjenopna. I 1983 vart Danilovklosteret overført til Moskvapatriarkatet og vart det åndelege og administrative senteret i den russisk-ortodokse kyrkja. Klosteret vart sett i stand i 1988. Bustad vart bygt for patriarken av Moskva, til liks med eit gravkapell og eit kapell til tusenårsminnet om dåpen av Rus.
Kjelder
[endre | endre wikiteksten]- ↑ Danilov Monastery in Transsib
- ↑ Никифор Феотоки (Nikifor Theotoki) in Brockhaus and Efron Encyclopedic Dictionary
- Denne artikkelen bygger på «Danilov Monastery» frå Wikipedia på engelsk, den 1. april 2010.
Bakgrunnsstoff
[endre | endre wikiteksten]- Photo(1024x768)
- Orthodox Moscow Arkivert 2011-02-08 ved Wayback Machine. - Churches, Cathedrals, Convents and Monasteries in Moscow
- Danilov Monastery Choir Music for listening, text in Russian