Glenn Davis
Glenn Davis | |
![]() | |
Statsborgarskap | USA |
Fødd | 12. september 1934 Wellsburg |
Død |
28. januar 2009 (74 år) |
Yrke | sprintar, amerikansk fotball-spelar |
Høgd | 183 centimeter |
Glenn Ashby Davis (12. september 1934–28. januar 2009) frå Follansbee i Vest-Virginia i USA, var ein USA-amerikansk friidrettsutøvar som spesialistere seg på 400 m hekk. Han vann til saman tre gullmedaljar under sommar-OL 1956 i Melbourne og sommar-OL 1960 i Roma. Frå 1950 var han for det meste busett i Barberton i delstaten Ohio, der han også døydde.
Aktiv
[endre | endre wikiteksten]Under uttaket til sommar-OL i 1956 sette Davis verdsrekord på 400 meter hekk med tida 49,5, og vart dermed den fyrste som sprang distansen på under 50 sekundar. I olympiaden i Melbourne, seint i 1956, levde han opp til favorittstempelet og tok gull på 400 meter hekk med tida 50,1, sju tidelar føre landsmannen Silas Southern som hadde imponert i semifinalane med tida 50,1 og heatsiger over Davis.
I 1958 forbetra Davis sin eigen verdsrekord til 49,2 sekundar under ei tevling på Nepstadion i Budapest. Same sesongen imponerte han med å springe 100 meter på 10,3, verdsrekorden var då 10,1, og 400 meter flatt på 45,5, noko som plasserte han på andreplassen på rekordlista over 400-meterløparar.
Fire år etter triumfen i Melbourne tok Davis nytt OL-gull under Roma-OL, då på tida 49,3. Under leikane avslutta han si tid som friidrettutøvar med å springe tredjeetappen på USAs vinnarlag på 4x400 m stafett, saman med Jack Yerman, Earl Young og Otis Davis.
I 1960 og -61 spela Glenn Davis i to sesongar amerikansk fotball for Detroit Lions. Etter nokre år som trenar for universitetslag, slo han seg ned i heimbyen Barberton, der han var lærar og trenar.
OL-medaljar
[endre | endre wikiteksten]- 1956
Australia Melbourne -
Gull 400 meter hekk
USA
- 1960
Italia Roma -
Gull 400 meter hekk
USA
- 1960
Italia Roma -
Gull 4 x 400 meter stafett
USA
Bakgrunnsstoff
[endre | endre wikiteksten]Kjelder
[endre | endre wikiteksten]- Friidrott 61, Hälsingborg, 1961
- Denne artikkelen bygger på «Glenn Davis (athlete)» frå Wikipedia på engelsk, den 21. juli 2012.
- Einskildmenn
- Fødde i 1934
- Døde i 2009
- Hekkeløparar frå USA
- Olympiske meistrar for USA
- Medaljevinnarar under sommar-OL 1956
- USA-amerikanske deltakarar under sommar-OL 1956
- Friidrettsutøvarar under sommar-OL 1956
- Medaljevinnarar under sommar-OL 1960
- USA-amerikanske deltakarar under sommar-OL 1960
- Friidrettsutøvarar under sommar-OL 1960
- Folk frå Vest-Virginia
- Folk frå Ohio