Grøne Spania
![](http://178.128.105.246/cars-http-upload.wikimedia.org/wikipedia/commons/thumb/6/6c/Turieno.jpg/220px-Turieno.jpg)
Grøne Spania (spansk España Verde) er namnet på nordkysten av Spania mot Atlanterhavet i Galicia. Området går langs Biscayabukta, parallelt med Dei kantabriske fjella og Baskarfjella. Det omfattar Asturias, Cantabria og den nordlege halvdelen av Baskarland frå Galicia til den franske grensa.
Klima og landskap
[endre | endre wikiteksten]![](http://178.128.105.246/cars-http-upload.wikimedia.org/wikipedia/commons/thumb/b/b1/Spain-climate-en.png/250px-Spain-climate-en.png)
Området vert kalla «grønt» fordi det har eit vått og temperert maritimt klima som gjer det frodig. Klimaet og landskapet er forma av vindane frå Atlanterhavet som vert pressa opp mot fjella i området og skapar regn. På grunn av fønvinden hamnar sørsida av fjella i regnskugge, så det Grøne Spania står i sterk kontrast til det tørre, indre platået i landet. I kortare periodar med sørvestleg vind over fjella (særleg i oktober og november[1]), vert effekten snudd om, og nordkysten får varm fønvind, medan dei indre områda får regn.
I snitt er den årlege normale nedbøren om lag 1200 mm, mykje høgare enn i indre område av Sentral-Europa, som elles er våtare enn andre stader i Spania. Dei mest utbreidde tresortane i området er bøk og eik. På andre halvdel av 1900-talet (særleg i Galicia) vart dei opphavlege skogane byta ut med plantasjar av eukalyptus og montereyfuru som vart utnytta kommersielt i papirindustrien.
Pyreneane, som stundom vert rekna inn under det same geologiske systemet som Dei kantabriske fjella, vart tidlegare rekna som ein del av Grøne Spania, sjølv om nedbørsmengdene her har forskjellige mønster og landskapet generelt er meir alpint enn maritimt.
Biletgalleri
[endre | endre wikiteksten]-
Tradisjonell hórreo i Asturias.
-
Kysten av Baskarland
-
Kysten av Cantabria.
-
Kysten av Galicia.
-
Kysten av Asturias.
Kjelder
[endre | endre wikiteksten]- Denne artikkelen bygger på «Green Spain» frå Wikipedia på engelsk, den 26. september 2009.
- Wikipedia på engelsk oppgav desse kjeldene:
Bakgrunnsstoff
[endre | endre wikiteksten]- Offisiell nettstad Arkivert 2012-06-15 ved Wayback Machine.
- Visit Asturias Arkivert 2007-02-18 ved Wayback Machine.