Ingunn Rise Kirkeby

Ingunn Ragnhild Rise Kirkeby (fødd 27. mai 1961 er ein norsk lege, nevrokirurg og tidlegare handballspelar frå Asker i Akershus.

Rise er utdanna lege og vart i 1999 dr.med. ved Universitetet i Oslo. Ho er spesialist i nevrokirurgi og overlege ved Nevrokirurgisk avdeling ved Oslo universitetssykehus. Ho har delteke i debatt om boksing og hjerneskadar, sterkt kritisk til proffboksing.

Rise spelte 64 handball-landskampar for Noreg i tida september 1980 til desember 1983, skåra 49 mål. Ho deltok då Noreg enda på sjuandeplassen i Handball-VM 1982 for kvinner. Rise spelte 1980-82 på Os og deretter Vestar frå 1982 til 1990. Ho bidrog til at Vestar i 1989 vart seriemeister for niande og siste gong.

• heimeside