Iolanda Balaș
Iolanda Balaș | |
Statsborgarskap | Romania |
Fødd | 12. desember 1936 Timișoara |
Død | 11. mars 2016 (79 år) București |
Idrett | friidrett |
Tok del i | Sommar-OL 1964, Sommar-OL 1960, Sommar-OL 1956 |
Utmerkingar | Æresborger av Timișoara, Stjerneordenen |
![](http://178.128.105.246/cars-http-upload.wikimedia.org/wikipedia/commons/thumb/f/ff/Iolanda_Bala%C8%99_1964b.jpg/220px-Iolanda_Bala%C8%99_1964b.jpg)
Iolanda Balaș (12. desember 1936–11. mars 2016) var ein rumensk høgdehoppar, fødd Timişoara og død i Bucureşti. Frå 1958 til 1964 vann ho alle dei store meistertitlane i høgdehopp; EM 1958 og 1962 og OL 1960 og 1964. Ho sette 14 verdsrekordar i øvinga og vert rekna som ein av dei største høgdehopparane gjennom alle tider. Mellom 1957 og -67 vann Balaș 150 påfylgjande tevlingar i høgdehopp.
Aktiv
[endre | endre wikiteksten]17-årige Balaș, som var etnisk ungarsk, tok sølvmedaljen under EM i friidrett 1954 i Bern. To år seinare vart ho nummer fem i høgdetevlinga under sommar-OL 1956 i Melbourne. Ho gjekk då over 1,67 m, det same resultatet som sølvvinnarane stoppa på.
Balaș sette meisterskapsrekord med 1,77 m då ho i friidretts-EM i Stockholm tok sin fyrste av fire strake triumfar i EM og OL. Under dei olympiske leikane i Roma i 1960 var ho fullstendig overlegen i kampen om gullmedaljen. Tre kvinner stoppa på 1,71 m, to av desse fekk kvar sin sølvmedalje. Balaș gav seg ikkje før ho hadde svinga seg over 1,85 m.
I 1962 forsvarte Balaș EM-tittelen med god margin; 1,83 m mot 1,76 m for sølvvinnar Olga Gere frå Jugoslavia. Endå meir suveren var Balaș under sommarleikane i Tokyo i 1964, med 1,90 m slo ho sølvmedaljøren Michele Brown frå Australia med ti centimeter.
![](http://178.128.105.246/cars-http-upload.wikimedia.org/wikipedia/commons/thumb/9/96/Iolanda_Bala%C8%99_2004_Romanian_stamp.jpg/220px-Iolanda_Bala%C8%99_2004_Romanian_stamp.jpg)
Balaș forbetra verdsrekorden i høgdehopp 14 gongar; hennar fyrste rekordhopp mælte 1,74 m og hennar siste 1,91 meter. Fyrst 4. september 1971 makta Ilona Gusenbauer frå Austerrike å slette Balaș ti år gamle rekordnotering frå rekordlista.
Balaș nytta den lite «økonomiske» saksestilen, som ho rettnok hadde utvikla til fullnads.
Leiar
[endre | endre wikiteksten]Iolanda Balaș var leiar av det nasjonale friidrettsforbundet i Romania frå 1988 til 2005.
Kjelder
[endre | endre wikiteksten]- Denne artikkelen bygger på «Iolanda Balaș» frå Wikipedia på tysk, den 29. august 2014.
- Einskildkvinner
- Fødde i 1936
- Døde i 2016
- Rumenske høgdehopparar
- Europameistrar i friidrett for Romania
- Olympiske meistrar for Romania
- Rumenske deltakarar under sommar-OL 1956
- Friidrettsutøvarar under sommar-OL 1956
- Medaljevinnarar under sommar-OL 1960
- Rumenske deltakarar under sommar-OL 1960
- Friidrettsutøvarar under sommar-OL 1960
- Medaljevinnarar under sommar-OL 1964
- Rumenske deltakarar under sommar-OL 1964
- Friidrettsutøvarar under sommar-OL 1964