John Capel
John Capel | |
Statsborgarskap | USA |
Fødd | 27. oktober 1978 (45 år) Brooksville |
Idrett | amerikansk fotball, friidrett |
Tok del i | Sommar-OL 2000 |
John Capel (fødd 27. oktober 1978) er ein USA-amerikansk tidlegare friidrettsutøvar frå Brooksville i delstaten Florida som i 2003 vart verdsmeister på 200-meter og var med å vinne 4 x 100 m stafett for USA.
Aktiv
[endre | endre wikiteksten]![](http://178.128.105.246/cars-http-upload.wikimedia.org/wikipedia/commons/thumb/c/c0/Olympic_Development_%28Mens%29_100m_Dash_2.jpg/220px-Olympic_Development_%28Mens%29_100m_Dash_2.jpg)
Capel spelte amerikansk fotball på college-nivå både før og etter Sommar-OL 2000 i Sydney. År 2000 konsentrerte han seg om å kvalifisere seg til den USA-amerikanske OL-troppa til Sydney, noko han makta på 200 m. Han tok seg heilt til finalen på distansen, der han vart åttande og sistemann. Etter sommarleikane var han aktiv på «fotball»-laget NFL Combine, der han i 2001 testa positivt på marihuana.
I 2003 var Capel tilbake på friidrettsbana. Under verdsmeisterskapen 2003 i Paris sprang han inn til siger på 200-meteren. Med den moderat gode vinnartida 20,30 sekundar passerte han målstreken ein hundredels sekund framom landsmannen Darvis Patton. Ved verdsmeisterskapen 2005 i Helsinki vann Capel bronsemedaljen på 200 m. Saman med landsmennene Justin Gatlin og Wallace Spearmon syrgde han for at alle medaljane på distansen hamna i USA.
Doping
[endre | endre wikiteksten]Capel testa positivt på marihuana i 2004 og på ny i februar 2006. Siste gongen vart han utestengd frå idrett i to år. Sommaren 2008 prøvde han å kvalifisere seg til Beijing-OL, men rauk ut i allereie i semifinalane.
Medaljar og plasseringar i internasjonale meisterskap
[endre | endre wikiteksten]- OL 2000 i Sydney: Nr 8 på 200 m – 20,49
- VM 2003 i Paris: Gullmedalje på 200 m – 20,30
- VM 2005 i Helsinki: Bronsemedalje på 200 m – 20,31
Kjelder
[endre | endre wikiteksten]- Denne artikkelen bygger på «John Capel» frå Wikipedia på engelsk, den 19. mai 2019.