Marmarita
Marmarita | |||
مرمريتا | |||
landsby | |||
Land | ![]() | ||
---|---|---|---|
Guvernement | Homs | ||
Distrikt | Talkalakh | ||
Nahiyah | Al-Nasirah | ||
Koordinatar | 34°47′N 36°15′E / 34.783°N 36.250°E | ||
Folketal | 2 206 (2004) | ||
Tidssone | EET (UTC+3) | ||
![]() Marmarita 34°47′00″N 36°15′00″E / 34.783333333333°N 36.25°E | |||
Wikimedia Commons: Marmarita |
Marmarita (arabisk مرمريتا, gammalsyrisk ܡܪܡܪܝܬܐ, Marmarītā) er ein gresk-ortodoks landsby nordvest i Syria. Marmarita er ein av dei største landsbyar i Wadi al-Nasarah («Dalen til dei kristne»), ein region nord for Talkalakh. Han er òg ein populær sommardestinasjon og turistdestinasjon i Syria. Landsbyen har vore ein del av Homs guvernement sidan 1953, og var før det ein del av Latakia guvernement. I 2004 hadde Marmarita eit folketal på 2 206, i følgje Statistisk sentralbyrå i Syria (CBS),[1]
Etymologi
[endre | endre wikiteksten]Namnet Marmarita trur ein kjem frå det syriske ordet Marmanitha, som tyder 'ein stad med utsyn', og syner truleg til plasseringa til Marmarita oppom Akkarplatået og Middelhavet.[treng kjelde] Arabisk leksikon Arkivert 2009-03-15 ved Wayback Machine. indikerer at namnet «Marmarita» kjem frå det syriske ordet Marmarato, som tyder «gud av gudar»
Historie
[endre | endre wikiteksten]Marmarita vart busett tidleg på 1600-talet av fire bondefamiliar frå Libanon og Hauransletta. Desse familiane bygde tre kyrkjer (St. Johannes, St. Saba og St. Boutros) som framleis står i utkanten av landsbyen.[treng kjelde] Ei lokal segn indikerer at landsbyen var busett så tidleg som på 500-talet fvt., men vart øydelagd av eit vulkanutbrot.[2] Det finst ingen spor etter ein tidlegare fønikisk busetnad her.
Turisme
[endre | endre wikiteksten]Marmarita er omgjeve av ruinar og historiske stader. Dei mest kjende av desse er Krak des Chevaliers (òg kalla «Qal'at al-Ḥiṣn»), ei krossfararborg bygd av Johanittarordenen frå Jerusalem frå 1142 til 1271. Borga er rekna som ei av dei best bevarte mellomalderborgene i verda av UNESCO.[3]
Det årlege Karnevalet i Marmarita kom i gang i 1980 og består av ein prosesjon av kjøretøy og dansarar i kostyme.[treng kjelde].
Folketalet i Marmarita varierer stort med årstida, frå 2 500 om vinteren, til 25 000 til 30 000 om sommaren, då mange kjem hit på ferie.[1][1]
Transport
[endre | endre wikiteksten]Marmarita ligg kring 13 km nord for motorvegen M1, kring halvvegs mellom Tartus og Homs.
Dei næraste flyplassane til Marmarita er Bassel al Assad internasjonale flyplass (LTK) i Syria (93 km), Beirut internasjonale flyplass (BEY) i Libanon (163 km) og Damaskus internasjonale flyplass (DAM) i Syria (196 km).
![](http://178.128.105.246/cars-http-upload.wikimedia.org/wikipedia/commons/thumb/f/f2/Marmarita_New_Church.jpg/220px-Marmarita_New_Church.jpg)
Terrorisme
[endre | endre wikiteksten]Den 17. august 2013 kom det meldingar om at terroristar hadde drepe og skadd syriske kristne i Marmarita og nabobyen Al-Hasn, under den religiøse høgtida kalla «Hensovinga til Theotokos».[4] Ein trudde at Den frie syriske armeen eller al-Nusra Front var ansvarleg, men Jund al-Sham (soldatar av Levanten) tok seinare på seg ansvaret.[5]
Kjelder
[endre | endre wikiteksten]- Denne artikkelen bygger på «Marmarita» frå Wikipedia på engelsk, den 5. juli 2014.
- Wikipedia på engelsk oppgav desse kjeldene:
- ↑ 1,0 1,1 1,2 Folketeljing 2004. Syrisk statistisk sentralbyrå (CBS). Homs guvernement. (arabisk)
- ↑ "A palaeomagnetic study of Upper Pliocene volcanic rocks in the area of the Levant Fault near Homs, western Syria», Geofísica Internacional (2005), Vol. 44, Num. 3, s. 221-230
- ↑ "World heritage List Crac des Chevaliers and Qal’at Salah El-Din» http://whc.unesco.org/en/list/1229
- ↑ http://www.syrianews.cc/terrorists-killed-syrian-christians-homs/
- ↑ arkivkopi, arkivert frå originalen 14. januar 2018, henta 5. juli 2014