Otto Løvenskiold
Otto Løvenskiold | |
![]() Otto Joachim Løvenskiold måla av Asta Nørregaard | |
Statsborgarskap | Noreg |
Fødd | 14. mai 1811 Skien kommune |
Død |
4. august 1882 (71 år) |
Yrke | dommar, politikar |
Språk | norsk |
Far | Severin Løvenskiold |
Mor | Sophie Hedevig komtesse Knuth |
Ektefelle | Julie Caroline Helene Wedel Jarlsberg, Eleonore friherreinne von und zu Mansbach |
Otto Løvenskiold på Commons |
Otto Joachim Løvenskiold (14. mai 1811–4. august 1882) var ein norsk dommar og politikar. Han var stortingsrepresentant og ordførar i Kristiania og var høgsterettsdommar frå 1854 og livet ut. Severin Løvenskiold var faren hans, Carl Otto Løvenskiold sonen hans.
Løvenskiold var fødd på Fossum verk ved Skien. Han vart student frå latinskulen i Skien i 1828. Etter å ha fullført sine juridiske studiar i 1834 var Løvenskiold advokatfullmektig hos to høgsterettsadvokatar, perioden 1835-40 var han elles ofte konstituert stiftsoverrettsassessor. Frå 1840 arbeidde han som protokollsekretær i Høgsterett. I 1846 var han auditør i artilleribrigaden, og året etter ekspedisjonssekretær i finans- og tolldepartementet. År 1854 vart han utnemnd til assessor i Høgsterett.
Løvenskiold var 1856 medlem av ein norsk-svensk kommisjon om mellomrikshandelen og ein norsk-svensk komite om mellomrikske tolltilhøve. Han var 1864-68 ein av dei leiande i det skandinaviske selskap. Frå 1881 var han preses i Selskabet for Norges Vel, og i ei tid formann i Norsk Jeger- og Fiskerforbund.
I perioden 1869-76 var Løvenskiold ordførar i Christiania.
Åra 1871-79 representerte Løvenskiold krinsen Christiania, Hønefoss og Kongsvinger på Stortinget. Han, i rekkefylgje vart vald til høvesvis 3., 2. og 1. representant. Alle sesjonane var han medlem av gasje- og pensjonskomiteen. I 1873 var han med i deputasjonen til kongekryninga i Stockholm. Han fekk i byrjinga av 1870-åra tilbod om å verte statsråd, og i 1877 om å verte høgsterettsjustitiarius. Begge gongane sa han nei, grunna si interesse for politisk aktivitet.
Løvenskiold døydde på eigedomen sin Lille-Frogner ved Kristiania i 1882.
Kjelder
[endre | endre wikiteksten]- Lindstøl, Tallak:Stortinget og Statsraadet 1814-1914. Kristiania, 1914
- 1. Aschehougs konversasjonsleksikon, H. Aschehoug & Co. (W. Nygaard), Oslo 1949
- Biografisk informasjon om Otto Løvenskiold NSD Norsk senter for forskningsdatas politikararkiv