Sveinung Rotevatn
Sveinung Rotevatn | |||
![]() Sveinung Rotevatn i 2015 Foto: Jo Straube / Venstre | |||
Fødd | 15. mai 1987 (37 år) Bergen | ||
---|---|---|---|
Statsborgar av | Noreg | ||
Parti | Venstre | ||
Yrke | politikar, jurist | ||
Utdanna ved | Universitetet i Bergen | ||
Alle verv |
|
Sveinung Rotevatn (fødd 15. mai 1987) er ein norsk politikar, stortingsrepresentant og statssekretær for Venstre. Han er frå Nordfjordeid i Sogn og Fjordane.
Han var frå januar 2018 statssekretær for justis-, beredskaps- og innvandringsminister Sylvi Listhaug og frå april 2018 for Tor Mikkel Wara. Frå 24. januar 2020 er han klima- og miljøminister for regjeringa Solberg.
Rotevatn starta si Unge Venstre-karriere som økonomiansvarleg i Bergen Unge Venstre i 2007. Han vart medlem av sentralstyret i 2008 og deretter 1. nestleiar i 2009. Rotevatn var også aktiv studentpolitikar for Liberal Liste ved Universitetet i Bergen 2007–2009. I 2009 var han valkampsekretær for Sogn og Fjordane Venstre, og han sat som styremedlem i fylkeslaget 2009–2011. Ved kommunestyre- og fylkestingsvalet 2011 vart Rotevatn vald inn i Eid kommunestyre. Frå 2012 til 2014 var han styremedlem i Noregs Mållag.
Han vart leiar i Unge Venstre i 2010. Under landsmøtet i september 2013 gjekk han av som leiar, og gav jobben vidare til Tord Hustveit. Rotevatn var innvald på Stortinget frå Sogn og Fjordane 2013-2017.
Han har tidlegare vore i teneste i musikktroppen til Hans Majestet Kongens Garde. Rotevatn har studert rettsvitskap ved Universitetet i Bergen.
Frå 2012 var han medlem av landsstyret i Noregs Mållag.
I 2012 vart Rotevatn kåra til årets europear av Europeisk Ungdom. I 2016 vart han i boka Makteliten[1] peikt på som ein av Norges 252 mektigaste personer. Rotevatn var yngstemann på lista, og den einaste frå Sogn og Fjordane.
I 2014 ga han ut boka Liberalisme på norsk[2] hos Civita, der han mellom anna skriv om frihandel, miljøpolitikk og velferdsstaten si bærekraft.
Etter at han ikkje fekk attval til Stortinget i 2017 begynte Rotevatn som advokatfullmektig i advokatfirmaet Steenstrup Stordrange (SANDS)[3]. Han fekk permisjon frå stillinga då han vart utnemnd som statssekretær i Erna Solbergs regjering.
Komitear
[endre | endre wikiteksten]- 2013–2017: Medlem i Fullmaktskomiteen
- 2013–2017: Medlem i Arbeids- og sosialkomiteen
Bibliografi
[endre | endre wikiteksten]Bøker
[endre | endre wikiteksten]- 2014 – Liberalisme på norsk (Oslo: Civita). ISBN 978-82-92581-63-6
Kjelder
[endre | endre wikiteksten]- ↑ Åmås, Knut Olav (2016). Makteliten. 252 kvinner og menn som styrer Norge. Kagge. s. 204. ISBN 9788248918516.
- ↑ Rotevatn, Sveinung (2014). Liberalisme på norsk. Civita. ISBN 9788292581636.
- ↑ Rett24. «Fra sosialkomiteen til M&A - Sveinung Rotevatn går til SANDS». rett24 (på engelsk). Henta 21. januar 2018.
Bakgrunnsstoff
[endre | endre wikiteksten]- Einskildmenn
- Fødde i 1987
- Stortingsrepresentantar for Sogn og Fjordane
- Stortingsrepresentantar for Hordaland
- Stortingsrepresentantar frå Venstre
- Stortingsrepresentantar 2013-2017
- Stortingsrepresentantar 2021-2025
- Lokalpolitikarar i Eid
- Venstrepolitikarar i Sogn og Fjordane
- Leiarar i Unge Venstre
- Norske ungdomspolitikarar
- Folk frå Eid
- Forfattarar frå Eid
- Norske sakprosaforfattarar