Wigan
Wigan | ||
---|---|---|
![]() | ||
Plassering | ||
Styresmakter | ||
Land | ![]() | |
Konstituerande land | ![]() | |
Grevskap | Stor-Manchester | |
Distrikt | Wigan | |
Geografi | ||
Innbyggjarar - By (2007) |
80,357 | |
Koordinatar | 53°33′N 2°38′W / 53.550°N 2.633°W | |
Diverse annan informasjon | ||
Postnummer | WN1-WN3,WN5,WN6 | |
Telefon-retningsnummer | 01942 | |
Wigan er ein stor by i grevskapet Stor-Manchester i det nordvestlege England. Han er hovudby i valkretsen Wigan, og har ein folkesetnad på omkring 80 000. Byen ligg midt mellom Manchester og Liverpool.
Wigan vart grunnlagt i romersk tid, og heitte då Coccium. Området høyrde tidlegare til Lancashire, og mange av innbyggjarane brukar på trass enno Lancs i postadressa si.
Byen var eit sentrum for kolgruveverksemd og produksjon av bomullstekstilar under den industrielle revolusjonen. To viktige kanalsystem møtest ved Wigan, og det var difor eit transportknutepunkt. Den viktigaste brygga er Wigan Pier, som vart kjend i England, fordi han har eit namn som hintar om likskap med dei store pirane som går ut i havet på stader som Blackpool, Southport og Brighton, medan det eigenleg er ei industribrygge omkring 40 km inne i landet. George Orwell skreiv ei bok kalla The Road to Wigan Pier, ein sosiologisk kommentar som ikkje vart godt motteke i byen fordi han teikna eit heller dystert bilete av livet der. Brygga har no eit svært godt museum som tek for seg historia til området.
Dei viktigaste idrettslaga er Wigan Warriors (rugby) og Wigan Athletic (fotball). Dei to laga deler eit stadion, rugby på sommaren og fotball på vinteren. Athletic har hatt ein brokete karriere, men Warriors var i 1980- og 1990-åra klårt det bestet rugbylaget i verda.
Wigan har eit symjebasseng med internasjonal standard, og symjeklubbe Wigan Wasps har stått bak fleire suksesshistorier, som ALTE-vinnarar June Croft.
Den store butikkjeda Marks and Spencer vart grunnlagt i byen, og hovudkvarteret låg i Wigan dei første tre åra.
Sir Ian McKellen, skodespelaren som no er mest kjend som Gandalv i Ringenes Herre, voks opp i Wigan.
Folk frå Wigan kallast ofte nedsettande «paietarar» (pie eaters), truleg referanse til gruvearbeidarane som måtte ete billege paiar medan dei jobba.
Kjelder
[endre | endre wikiteksten]- Denne artikkelen bygger på «Wigan» frå Wikipedia på bokmål, den 12. juli 2011.