Heinkel He 111
![](http://178.128.105.246/cars-http-upload.wikimedia.org/wikipedia/commons/thumb/c/cc/Bundesarchiv_Bild_101I-343-0694-21%2C_Belgien-Frankreich%2C_Flugzeug_Heinkel_He_111.jpg/220px-Bundesarchiv_Bild_101I-343-0694-21%2C_Belgien-Frankreich%2C_Flugzeug_Heinkel_He_111.jpg)
Lo Heinkel He 111 es un bombardier alemand de la Segonda Guèrra Mondiala produch per la companhiá Heinkel. Concebut a partir de 1932, foguèt inicialament presentat coma un avion de transpòrt civiu car lo Tractat de Versalhas enebissiá la creacion d'una aviacion de bombardament alemanda[1]. Pasmens, après l'arribada au poder d'Adolf Hitler, lo rearmament alemand venguèt rapidament oficiau. Lo premier vòl se debanèt lo 24 de febrier de 1935. 6 508 unitats foguèron fabricadas e l'avion foguèt utilizat fins ais ans 1970 per de país coma Espanha ò Turquia.
Lo Heinkel He 111 participèt principalament a la Guèrra Civila Espanhòla (1936-1939) e a la Segonda Guèrra Mondiala (1939-1945). En particular, tenguèt un ròtle centrau dins lo Blitzkrieg de 1939-1941. Pasmens, enregistrèt de pèrdas importantas còntra lei caçaires aliats, especialament còntra lei Hawker Hurricane e lei Supermarine Spitfire britanics. A partir de 1941, foguèt donc puslèu utilizat per d'operacions nuechencas ò per d'atacas sus lo frònt germanosovietic onte l'espaci operacionau pus importanta facilitava sa mesa en òbra. Certanei versions foguèron tanben utilizadas coma avion de transpòrt e avion torpilhaire.
En 1945, Espanha desvolopèt la sieuna version dau bombardier sota lo nom de CASA 2.111. La diferéncia principala entre lei dos modèls èra lor motorizacion car leis Espanhòus aguèron accès a de motors britanics e estatsunidencs. 236 unitats foguèron produchas e l'aparelh foguèt retirat dau servici en 1973.
Liames intèrnes
[modificar | Modificar lo còdi]Bibliografia
[modificar | Modificar lo còdi]- (fr) Enzo Angelucci e Paolo Matricardi, Multiguide aviation – Les avions : 3/ la Seconde Guerre mondiale – France, Allemagne, Angleterre, etc., Elsevier Sequoia, 1978, pp. 114-115.
Nòtas e referéncias
[modificar | Modificar lo còdi]- ↑ Ansin, 12 Heinkel He 111 foguèron efectivament utilizats coma avion de transpòrt civiu (sus lei 6 508 fabricats).