Jean Darcet
![](http://178.128.105.246/cars-http-upload.wikimedia.org/wikipedia/commons/thumb/f/fb/Jean_d%27Arcet.jpg/200px-Jean_d%27Arcet.jpg)
Jean Darcet qu’es un quimista deu sègle XVIIIau. Vadut lo 7 de seteme de 1724, probablament a Doasit, on damorava la soa familha, mes batiat dens la parròpia vesia, a Audinhon. Que s’es mort a París lo 12 de heurèr de 1801.
Qu’estó preceptor deus hilhs deu Carles de Montesquiu, dont s’estarà l’amic dinc a la mort de l’escrivan. Qu’es recebut medecin en 1762, puish, amistoat dab Guillaume-François Rouelle, qu'estudia la quimia.
En 1774, qu’es nomat professor au Collègi de França, puish Director de la Manufactura de Sèvres, Inspector de las Monedas, membre de l’Acadèmia de las Sciéncias en plaça de Pierre Joseph Macquer.
Que’u devem :
- Lo saber-har de la porcelana qui dinc a lavetz e s’importava.
- Ua contribucion com controlaire de las òbras deu Nicolas Leblanc a la fabricacion de soda en partint de la sau de mar.
- L’aliatge darcet, qui hon de cap a 92 °C, compausat de bismut 50%, plom 32%, estam 18%.
- Un hèish d’analisis quimicas.
Nomentat au Senat conservator lo 4 de nivòse de l’an VIII, qu’es l’un deus representants de la compausanta sapienta d’aquera assemblada.
Jean Darcet qu’es lo pair deu Jean-Pierre-Joseph Darcet, eth tanbenh quimista, inventor de las pastilhas Vichèi.
Publicacions
[modificar | Modificar lo còdi]- Sur l’action d’un feu égal sur un grand nombre de terres (1766-1771)
- Expériences sur plusieurs diamants et pierres précieuses (1772)
- Discours en forme de dissertation sur l’état actuel des montagnes des Pyrénées... prononcé par M. d’Arcet pour son installation et l’inauguration de la chaire de chimie au Collège de France, le 11 décembre 1775 (1776)
- Rapport sur l’électricité dans les maladies nerveuses (1783)
Ligams extèrnes
[modificar | Modificar lo còdi]- (fr) Notícia biografica.
- (en) Notícia biografica ; Jaime Wisniak; 2003.
- (fr) Précis historique de la vie et des travaux de Jean d'Arcet.