Jules Bianchi
Jules Lucien André Bianchi es un pilòt automobil nascut lo 3 d'agost de 1989 a Niça, eissit d'una celèbra familha de l'espòrt automobil. Qu'es lo felen de Mauro Bianchi e lo pichon nebòt de Lucien Bianchi, dos pilòts del ans 1960 per la Belgica. Dempuèi 2013, es titulari en Formula 1 dins l'equipa Marussia.
Biografia
[modificar | Modificar lo còdi]Karting e començament en monoplaça
[modificar | Modificar lo còdi]![](http://178.128.105.246/cars-http-upload.wikimedia.org/wikipedia/commons/thumb/f/f2/Formel3_DallaraF308_Bianchi09_amk.jpg/220px-Formel3_DallaraF308_Bianchi09_amk.jpg)
Faguèt una bèla carrièra en karting, e comencèt en automobila a la sason 2007 dins los campionats de França e d'Euròpa de Formula Renault. Depuèi 2006, es menat per Nicolas Todt. En 2007, foguèt lo primièr pilòt dempuèi Alain Prost venir campion de França de Formule Renault après sa primièra sason en esport automobil.
Per 2008, rejonguèt lo campionat relevat de Formula 3 Euro Series dins l'escudariá ART Grand Prix (codirigida per Nicolas Todt) ont aguèt coma equipièrs un autre debutant, Jon Lancaster, e tanben James Jakes e Nico Hülkenberg. Amb de performanças bonas coma debutant, obtenguèt lo primièr succès al mes d'agost a Zolder pendent los Masters de Formule 3[1], e acabèt tresen del campionat.
En 2009, repetèt amb l'escudariá ART Grand Prix en Formula 3 Euro Series e venguèt campion l'11 d'octobre sul circuit de Dijon, a doas corsas de la fin du campionat[2]. Tanben participèt, coma pilòt invitat sens marcar de punts, al campionat de Grand Bretanha de Formule 3, ganhèt doas corsas e acabèt un còp segond.
GP2 Series
[modificar | Modificar lo còdi]![](http://178.128.105.246/cars-http-upload.wikimedia.org/wikipedia/commons/thumb/4/45/J_Bianchi_Monza_2011.jpg/220px-J_Bianchi_Monza_2011.jpg)
En 2010, montèt en GP2 amb ART Grand Prix ont acabèt tresen del campionat e dotzen en GP2 Asia Series[3]. Per sa segonda sason en GP2 coneguèt una primièra mitat de sason dificila amb de tusts e descalificacions, pasmens acabèt las dètz darrièras corsas dins los punts qu'acabèt encara trsen del campionat.
En parallèl a sa sason d'F1 2012 e tresen pilòt de Force India, venguèt vice-campion en World Series by Renault amb l'escudariá francesa Tech 1 Racing.
Pilòt d'ensag en Formula 1
[modificar | Modificar lo còdi]Faguèt los primièrs ensags en Formula 1 sus Ferrari los 1èr e 2 decembre de 2009 sul circuit de Jerez (Andalosia)[4]. Pendent sa primièra jornada al volant de la Ferrari F60, realizèt lo cinquen temps a 468 milens del melhor temps d'Andy Soucek su Williams FW32[5] e pendent la segonda jornada, realizèt lo noven temps a 1,868 segonda de Gary Paffett sus McLaren MP4-24.
La Scuderia anocièt a l'occasion aver signat un contrat de long tèrme amb lo pilòt francés que venguèt lo primièr pilòt dels « joves talents » de l'escudariá transalpina[6]. Foguèt promogut pilòt d'ensag per l' Scuderia Ferrari en 2011 après lo desport de Luca Badoer[7]. Lo 15 de setembre, Bianchi foguèt confrontada a Sergio Pérez per una evaluacion au volant de la Ferrari F60 e lo batèt per 437 milens de segonda. Lo 27 de genièr de 2012 Force India confirmèt Jules Bianchi coma tresen pilòt, participèt a nòu sesilhas d’ensags del divendre matin pendent lo campionat ont faguèt bona impression fàcia als titularis.
2013; començament en Formula 1 amb Marussia
[modificar | Modificar lo còdi]![](http://178.128.105.246/cars-http-upload.wikimedia.org/wikipedia/commons/thumb/1/11/Jules_Bianchi_2013_Malaysia_FP2.jpg/220px-Jules_Bianchi_2013_Malaysia_FP2.jpg)
Jules Bianchi auriá degut rejònher Force India mas foguèt escartat al benefici d'Adrian Sutil pendent la mièjasason. Foguèt titularizat lo 1r de març de 2013, a çò de Marussia F1 Team. Prenguèt la plaça del Brasilian Luiz Razia[8].
En Malàisia, impressionèt acabant trètzen e batent pel segond còp consecutiva son coequipièr e los dos Caterham, en qualificacion e en corsa. Al grand prèmi de Bahrayn, Jules Bianchi foguèt batut per la Caterham de Charles Pic, mas batèt coma dempuèi lo començament de l'an batèt son coequipièr. A Mónegue, abandonèt pel primièr còp de la sason après una sortida de pista a Santa Devòta causèt per un problèma de frens. A partir de la mièjasason, coneguèt qualques corsas mai dificila a causa d'una Marussia mens fiabla e mens performanta.
Pendent lo Grand Prèmi de Belgica, Jules Bianchi e son coequipièr Max Chilton accediguèron ambedos pel primièr còp a la segonda fasa de las qualificacions (quinzien e sètzen a la partença). Acabèt dètz e uèit. Al Grand Prèma de Corèa del Sud], contunhèt son contrate d'un an amb Marussia e acabèt dètz-e-seten de la corsa. Acabèt dètz-e-noven del campionat del mond des pilòts amb cap de punt, son melhor resultat essent una tretzena plaça.
2014: segonda sason amb Marussia
[modificar | Modificar lo còdi]Al Grand Prèmi automobil de China, Jules Bianchi capitèt a véncer son equipièr pel primièr còp de la sason sur l'integralitat de la dimenjada. Se classificant noven del Grand Prèmi de Mónegue malgrat doas penalitats en corsa, inscriguèt sos primièrs punts en Formula 1, los primièrs tanben de son escudariá Marussia F1 Team. al Grand Prèmi automobil de Grand Bretanha, realizèt la melhora qualificacion de sa carrièra partent dotzen; l'endeman acabèt catorzen. Al Grand Prèmi Belgica après la pausa estivala, Jules Bianchi, qu'accediguèt a la segonda fasa de las qualificacions mercé a una setzena plaça, abandonèt a la fin.
Al Prèmi del Japon, Jules Bianchi foguèt sortit del circuit, inconscient, per èsser transportat a l'espital. Bianchi tustèt una despanadora que sotava la Sauber d'Adrian Sutil[9],[10]. Lo pilòt de Marussia foguèt espitalizat a l'espital universitari de Mie, a 15 quilomètres de Suzuka ont foguèt operat d’un ematòma au cervèl[11].
Carrièra abans la Formula 1
[modificar | Modificar lo còdi]- 2004 : Karting Junior
- 2nd del Campionat Europèu
- 2nd del Campionat de França
- 2005: Karting Formula A
- Campion Asia-Pacific
- 4n del Campionat del Mond
- 2006 : Karting Formule A (100 cm3)
- Campion de Francça (Angerville, France)
- 2nd de la Copa del Mond (Suzuka, Japon)
- 2nd de la Winter Cup (Lonato, Itàlia)
- 3n del Campionat Italian
- 5n del Campionat Europèu
- Campion WSK 125 cm3 (Jesolo, Itàlia)
- 3n de la Copa del Mond 125 cm3 (Marienbourg, Belgica)
- 2007 : Formula Renault 2.0 amb l'escudariá SG Formula
- FR2.0 France : Campion
- FR2.0 Eurocup : 1 pole position e 1 melhor torn en 3 corsas
- 2008: F3 Euroseries amb l'escudariá ART Grand Prix
- 3n del Campionat
- Veiceire dels Masters de F3 a Zolder
- 9n a Macau (30n al despart)
- 2009: F3 Euroseries amb l'escudariá ART Grand Prix
- Campion
- 2010: GP2 Asia Series e GP2 Series amb l'escudariá ART Grand Prix
- 12n del campionat GP2 Asia Series
- 3n del campionat de GP2 Series, « Melhor debutant »
- 2011: GP2 Asia Series e GP2 Series amb l'escudariá ART Grand Prix
- 2nd del campionat GP2 Asia Series
- 3n del campionat de GP2 Series
- 2012: Tresen pilòt en Force India
- 2n en World Series by Renault amb Tech 1 Racing
Resultats en GP2 Series
[modificar | Modificar lo còdi]Sason | Escudariá | Nombre de Corsas | Pole positions | Victòrias | Podiums | Punts inscrichs | Classament |
---|---|---|---|---|---|---|---|
2010 | ART Grand Prix | 17 | 3 | 0 | 4 | 52 | 3n |
2011 | Lotus ART GP | 18 | 1 | 1 | 6 | 53 | 3n |
Resultats en campionat del mond de Formula 1
[modificar | Modificar lo còdi]Sason | Escudariá | Encastre | Motor | Pneumatics | Nombre de GP | Pole positions | Victòrias | Podiums | Abandons | Recòrds del torn | Punts inscrichs | Classament |
---|---|---|---|---|---|---|---|---|---|---|---|---|
2013 | Marussia F1 Team | MR02 | Cosworth V8 | Pirelli | 19 | 0 | 0 | 0 | 3 | 0 | 0 | 19n |
2014 | Marussia F1 Team | MR03 | Ferrari V6 | Pirelli | 15 | 0 | 0 | 0 | 4 | 0 | 2 | 16n |
Annada | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | Classament | Punts |
---|---|---|---|---|---|---|---|---|---|---|---|---|---|---|---|---|---|---|---|---|---|
2013 | AUS 15 |
MAL 13 |
CHI 15 |
BAH 19 |
ESP 18 |
MON Abd. |
CAN 17 |
GBR 16 |
ALL Abd. |
HON 16 |
BEL 18 |
ITA 19 |
SIN 18 |
COR 16 |
JPN Abd. |
IND 18 |
ABD 20 |
USA 18 |
BRE 17 |
19n | 0 |
2014 | AUS Abd. |
MAL Abd. |
BHR 16 |
CHI 17 |
ESP 18 |
MON 9 |
CAN Abd. |
AUT 15 |
GBR 14 |
ALL 15 |
HON 15 |
BEL 18 |
ITA 18 |
SIN 16 |
JPN | RUS | USA | BRE | ABU | 16n | 2 |
Notas e referéncias
[modificar | Modificar lo còdi]- ↑ (en) Bianchi wins F3 Masters at Zolder - autosport.com, 10 d'agost de 2008
- ↑ (fr)Bianchi gagne et devient champion ! - F1-action.net, 11 octobre 2009
- ↑ (fr)Jules Bianchi confirmé chez ART en GP2 - F1-action.net, 13 octobre 2009
- ↑ (fr)Jules Bianchi en piste avec Ferrari - F1-live.com, 20 novembre 2009
- ↑ (fr)Ferrari : Bianchi a tourné - Eurosport, 1er décembre 2009
- ↑ (fr)Bianchi premier de cordée - L'Équipe, 18 décembre 2009
- ↑ (fr)Jules Bianchi pilote d’essai Ferrari en 2011 - Nextgen-Auto.com, 11 novembre 2010 (voir archive)
- ↑ .(fr)Bianchi remplace Razia - ESPN F1, 1er mars 2013
- ↑ . motorsport.nextgen-auto.com.
- ↑ «Jules Bianchi operat d’urgéncia après un accident al Grand Prèmi de Japon». jornalet.com.
- ↑ Olivier Ferret. «Bianchi opéré d'un hématome au cerveau». motorsport.nextgen-auto.com.