Moderna
![](http://178.128.105.246/cars-http-upload.wikimedia.org/wikipedia/commons/thumb/6/6a/Moderna_logo.svg/200px-Moderna_logo.svg.png)
![](http://178.128.105.246/cars-http-upload.wikimedia.org/wikipedia/commons/thumb/b/b0/Moderna_COVID-19_vaccine.jpg/250px-Moderna_COVID-19_vaccine.jpg)
Moderna es una societat de biotecnologias americana, fondada en 2010 e basada a Cambridge dins l'estat de Massachusetts, que visa a desvolopar de "terapias proteïnicas" fondadas sus la tecnologia dita de l'ARN messatgièr (ARNm).
En 2020, metèt al punt un vaccin contre lo coronavirus Covid-19 que l'eficacitat convenquèt diferents poders publics, coma los dels Estats Units e de l'Union Europèa, de lo far servir dins l'encastre de las campanhas de vaccinacion publica.
Son PDG es Stéphane Bancel, nascut lo 20 de julhet de 1972 a Marselha e proprietari de 9 % de la societat.
La plataforma tecnologica de Moderna inserís de l'ARNm modificat per de nucleosids sintetics (modRNA) dins de cellulas umanas. Aqueste ARNm reprograma puèi las cellulas per provocar de responsas imunitàrias. Se tracta d'una tecnica novèla, per abans abandonada en rason dels efeits secondaris de l'insercion d'ARNm dins las cellulas. En novembre de 2020, lo candidat vaccin Moderna COVID-19, l'ARNm-1273, aviá mostrat de pròvas preliminàrias d'una eficacitat de 94% dins la prevencion de la malautiá COVID-19 dins un ensag de fasa III, amb solament d'efieits secondaris minors de tipe gripal. Aquò menèt a sa demanda d'autorizacion d'utilizacion d'urgéncia (EUA) en Euròpa, als Estats Units e al Canadà.