Vostok 1
Aparença
![](http://178.128.105.246/cars-http-upload.wikimedia.org/wikipedia/commons/thumb/7/79/Semyorka_Rocket_R7_by_Sergei_Korolyov_in_VDNH_Ostankino_RAF0540.jpg/220px-Semyorka_Rocket_R7_by_Sergei_Korolyov_in_VDNH_Ostankino_RAF0540.jpg)
Vostok 1 foguèt lo primièr vòl espacial abitat de l'istòria e la primièra mission del programa Vostok. Lo vaissèl sovietic Vostok 3KA foguèt lançat lo 12 d'abril de 1961 dempuèi lo cosmodròm de Baikonor amb a son bòrd le cosmonauta Iurii Gagarin. Après aver boclat una orbita sens encontrar de problèma, lo vaissèl faguèt una dintrada movementada mas aterriguèt sens cap d'empacha dins la region de Saratov.
Vostok 1 tradutz a l'epòca la superioritat del programa espacial sovietic dirigit per Serguèi Korolov sul programa american. En reaccion a aquela capitada espleitada abilament per la propaganda sovietica, lo president John F. Kennedy lançarà lo programa Apollo destinat a posar un equipatge sus la Luna.